ગુડ ન્યૂઝ / કોરોના સંકટમાં ડ્રાઈવિંગ લાયસન્સને લઈને સરકારે આપી મોટી રાહત, 30 જૂન સુધી વધારી તારીખ

• સમગ્ર દેશમાં લૉકડાઉનની સ્થિતિ
• સરકારે ડ્રાઈવિંગ લાયસન્સમાં આપી રાહત
• ડ્રાઈવિંગ લાયસન્સની તારીખ 30 જૂન સુધી વધારી

માર્ગદર્શન પરિવહન અને હાઇવે મંત્રાલયે તમામ રાજ્યો અને કેન્દ્રશાસિત પ્રદેશોને ડ્રાઇવિંગ લાઇસન્સ, પરમિટ અને નોંધણી કાગળો જેવા દસ્તાવેજો પર 30 જૂન સુધી માન્ય રાખવા જણાવ્યું છે.

લોકોની સુવિધા માટે આ નિર્ણય લેવાયો 

લોકડાઉનને એક અઠવાડિયું થયું છે. તેમ, રાજ્ય પરિવહન કચેરીઓ (આરટીઓ) બંધ હોવાને કારણે આ મોટર વાહન દસ્તાવેજોની માન્યતાને નવીનીકરણ કરવામાં મુશ્કેલીઓનો સામનો કરી રહેલા લોકોની સુવિધા માટે આ નિર્ણય લેવામાં આવ્યો છે.

દસ્તાવેજોમાં જણાવ્યા મુજબ, પરમિટ, ડ્રાઇવિંગ લાઇસન્સ, નોંધણી અથવા મોટર વાહનના નિયમ હેઠળ જાહેર કરેલા અન્ય દસ્તાવેજોનો સમાવેશ થાય છે. કેન્દ્રએ તમામ રાજ્યોને આ સલાહને "સંપૂર્ણ રીતે" લાગુ કરવા અપીલ કરી છે જેથી લોકો, પરિવહનકારો અને આવશ્યક સેવાઓ પૂરી પાડતા સંગઠનોને મુશ્કેલી ન પડે.