ન્યૂઝ અપડેટ્સ
VTV / ગુજરાત / અન્ય જિલ્લા / 'પાટીદાર આંદોલનથી આનંદીબેનને CM પદ ગુમાવવું પડ્યું તેનું દુખ', દિનેશ બાંભણિયાની કબૂલાત, અનાર પટેલ શું બોલ્યાં?
Last Updated: 11:14 AM, 17 November 2026
ADVERTISEMENT
જસદણમાં સખી સ્નેહમિલનમાં પાસ કન્વીનર દિનેશ બાંભણિયાનું સૌથી મોટું નિવેદન સામે આવ્યું છે. તેમણે કહ્યું કે અનામત આંદોલનના કારણે આનંદીબેન પટેલનું રાજીનામું લેવાયું હતું. તેમણે કહ્યું કે પાટીદાર આંદોલનનું બહાનું આપી આનંદીબેન પટેલને CM પદેથી હટાવ્યા હતા. આનંદીબેનને મુખ્યમંત્રી પદેથી હટાવ્યા તે ખૂબ જ ખોટું થયું. તેમણે સવાલ કર્યો કે આંદોલનનું માત્ર બહાનું અપાયું, બધા જાણે જ છે શું કામ હટાવ્યા હતા.
ADVERTISEMENT
‘પાટીદાર આંદોલનનું બહાનું આપી આનંદીબેનને હટાવ્યા’, દિનેશ બાંભણિયાનું નિવેદન રાજકોટ જિલ્લાના જસદણના વિંછીયા તાલુકામાં યોજાયેલા સખી સ્નેહમિલનમાં પાસ કન્વીનર દિનેશ બાંભણિયાએ આનંદીબેન પટેલના મુખ્યમંત્રી પદેથી રાજીનામાના મુદ્દે મોટું નિવેદન આપ્યું હતું. તેમણે આક્ષેપ કર્યો હતો કે પાટીદાર આંદોલનનું બહાનું આપીને આનંદીબેન પટેલને મુખ્યમંત્રી પદેથી હટાવવામાં આવ્યા હતા. બાંભણિયાના મતે, આનંદીબેનને પદ પરથી હટાવવાનો નિર્ણય ખોટો હતો અને ત્યારબાદ પાટીદાર સમાજને ઘણું નુકસાન થયું છે. તેમણે વધુમાં કહ્યું હતું કે આંદોલન તો માત્ર બહાનું હતું, તેમને શા માટે હટાવવામાં આવ્યા તે સૌ જાણે છે. #DineshBambhaniya #AnandibenPatel #PatidarAndolan #GujaratPolitics #VTVDigital
— VTV Gujarati News and Beyond (@VtvGujarati) November 17, 2026
મુખ્યમંત્રી આનંદીબેન પટેલને ગુમાવ્યા એનો વસવસો
ADVERTISEMENT
દિનેશ બાંભણિયાએ કહ્યું કે આંદોલનથી અમને 10% અનામત મળી, EWS મળ્યું, યુવાનોએ કરી, પણ અમે એક સારા મુખ્યમંત્રી આનંદીબેન પટેલને ગુમાવ્યા એનો આજે પણ રંજ છે અને દિલથી એટલું બધું દુઃખ થાય છે કે આવા સારા મુખ્યમંત્રીને હટાવવા માટે કે એને દૂર કરવા માટે અમે આંદોલનકારીઓ એક બહાનું બન્યા.
ગુજરાત રાજ્યના પૂર્વ મુખ્યમંત્રી આનંદીબેન પટેલના પુત્રી અનાર પટેલનું મોટું નિવેદન રાજકોટ જિલ્લાના જસદણના વિંછીયા તાલુકામાં યોજાયેલા સખી સ્નેહમિલન કાર્યક્રમમાં પૂર્વ મુખ્યમંત્રી આનંદીબેન પટેલનાં પુત્રી અનાર પટેલ ઉપસ્થિત રહ્યાં હતાં. રાજ્યના મુખ્યમંત્રી ભૂપેન્દ્ર પટેલ પણ વર્ચ્યુઅલી કાર્યક્રમમાં જોડાયા હતા. કાર્યક્રમ દરમિયાન અનાર પટેલે પરિવાર વ્યવસ્થામાં આવી રહેલા બદલાવ અંગે ચિંતા વ્યક્ત કરતાં કહ્યું હતું કે, "પરિવારો નોખા પડી રહ્યા છે, વૃદ્ધાશ્રમો બધું બની રહ્યા છે." ઉલ્લેખનીય છે કે, આ જ કાર્યક્રમમાં પાસ કન્વીનર દિનેશ બાંભણિયાએ આનંદીબેન પટેલને મુખ્યમંત્રી પદેથી હટાવ્યા બાદ પાટીદાર સમાજને ઘણું નુકસાન થયું હોવાનો દાવો કર્યો હતો. #AnarPatel #AnandibenPatel #GujaratPolitics #GujaratNews #VTVDigital
— VTV Gujarati News and Beyond (@VtvGujarati) November 17, 2026
ADVERTISEMENT
આનંદીબેન પટેલની દીકરી અનાર પટેલે આપ્યો જવાબ
દિનેશ બાંભણિયાના નિવેદન પર આનંદીબેન પટેલની દીકરી અનાર પટેલે જવાબ આપ્યો છે. સખી સ્નેહમિલનમાં અનાર પટેલે કહ્યું કે દિનેશભાઈએ કોઈ વાતનું દુ:ખ રાખવાની જરૂર નથી. જ્યારે આંદોલન શરૂ હતું ત્યારે અમારા ઘરનો વિષય અલગ હતો. અમને એ ના ખબર પડી કે ક્યારે સમાજને અમારી જરૂર છે. અનાર પટેલે કહ્યું કે 'મારા સમાજને જ્યારે મારી જરૂર છે ત્યારે મારે એ તરફ જવું જોઈએ'
ADVERTISEMENT
જસદણમાં સખીસ્નેહ મિલનનું આયોજન
જસદણના આટકોટ રોડ પર પાટીદાર ભવન ખાતે જસદણ વિંછીયા તાલુકાની બહેનો દ્વારા સખીસનેહ મિલનનું આયોજન કરવામાં આવ્યુ હતુ આ કાર્યક્રમ મા 5000 હજાર બહેનોએ ભાગ લીધો હતો સાંસ્કૃતિક કાર્યક્રમોથી પાટીદાર ભવન ગુંજયુ હતું.
ADVERTISEMENT
આ પણ વાંચો : અમદાવાદના નરોડામાં બેફામ સ્કોર્પિયો ચાલકનો આતંક! પૂરપાટ ઝડપે અનેક વાહનોને અડફેટે લીધાં
મુખ્યમંત્રી ભૂપેન્દ્ર પટેલ પણ ઓનલાઈન જોડાયા
ADVERTISEMENT
આ કાર્યક્રમમાં ગુજરાત રાજ્યના મુખ્યમંત્રી ભુપેન્દ્ર પટેલ વિડીયો સંદેશના માધ્યમ થી જોડાયા હતા ખાસ વાત કરીએ તો પાસ કન્વીનર દિનેશ બાંભણિયા એ આનંદીબેન પટેલ ને યાદ કરી અને દુઃખ વ્યક્ત કર્યો હતો તેમને કહ્યું હતું કે આનંદીબેન પટેલ જેવા મુખ્યમંત્રીને પદ્ધતિ હટાવવામાં આવ્યા હતા તે બહુ જ ખોટું થયું હતું. પાટીદાર આંદોલનના કારણે આનંદીબેન પટેલને પદ પર થી હટાવવામાં આવ્યા હતા આનંદીબેન પટેલ ને હટાવવા પર આંદોલન કાર્યોને બાનું બનાવવામાં આવ્યું હતું બાકી સૌ જાણે છે શું કામ હટાવ્યા હતા. કોઈને હટાવ્યા હતા આનંદીબેન પટેલ અને મુખ્યમંત્રી પદમાંથી હટાવ્યા બાદ પાટીદાર સમાજને ઘણું નુકસાન થયું હતું.
સંકળાયેલા મુદ્દાઓ
Hiralal Parmar is a Senior Editor at VTV Gujarati, with 20 years of extensive experience in journalism.