રિપોર્ટ / વધારે પડતા મોબાઇલ અને પીસીના ઉપયોગથી થઇ શકે છે આ બિમારી

• વધુ પડતા ગેજેટ્સના ઉપયોગથી થઇ શકે છે બિમારી
• પીઠની સમસ્યામાં થઇ શકે છે વધારો 

વળી ડિસ્પ્લેમાંથી નીકળતા કિરણો પણ આંખોને ઘણું નુકસાન પહોંચાડે છે. દિલ્હીની સફદરજંગ હોસ્પિટલના કમ્યુનિટી મેડિસિન વિભાગ દ્વારા આ માહિતી શેર કરવામાં આવી છે. અનેક દર્દીઓની તપાસ અને રિસર્ચ પરથી ડોકટરોને એવું ચોંકાવનારુ તારણ મળ્યું હતું કે મોબાઇલનો વધુ પડતો ઉપયોગ કરનારા 60 ટકાથી વધુ લોકો મસ્ક્યુલોસ્કેલેટન ડિસઓર્ડરથી પીડાય છે.

200 થી વધુ લોકો પર કરાયું સંશોધન 

શરીરના સાંધામાં દુખાવો મસ્ક્યુલોસ્કેલેટન ડિસઓર્ડર કહેવામાં આવે છે. ડોકટરોના જણાવ્યા મુજબ કહ્યું છે 200 થી વધુ લોકો પર સંશોધન કર્યું છે. જેમાંના 54 ટકા લોકોએ પીઠના દુખાવાની ફરિયાદ કરી હતી તેમાં એવા લોકો સામેલ હતા જેઓ કમ્પ્યુટર અને ફોન પર કલાકો સુધી વ્યસ્ત રહેતા હતા. પીઠનો દુખાવો લાંબા સમય સુધી એક જ જગ્યાએ ખોટી રીતે બેસવાથી થાય છે. 

ગરદનના દુખાવાને હળવાશથી ન લેવો

કમ્પ્યુટર, લેપટોપ અને સ્માર્ટફોનનો વધુ પડતો ઉપયોગ કરવાથી કમરની સાથે ગળામાં પણ ભારે દુખાવો થાય છે. આવા લોકોમાં ટેક્સ્ટ નેક સિન્ડ્રોમ પણ હોઈ શકે છે.ડોકટરો માને છે કે લોકોએ ગરદનના દુખાવાને હળવાશથી ન લેવો જોઇએ. 

દર 20 મિનિટે આંટો મારવાની ટેવ પાડો 

કારણ કે તે કરોડરજ્જુને અસર કરે છે,જે આગળ જતાં તે ગંભીર બિમારીનું રુપ લઇ શકે છે.ઉપરાંત હાથ અને પગની નબળાઇ પણ લાગે છે. ડોકટરોની સલાહ છે કે કમ્પ્યુટર અથવા લેપટોપનું ડિસ્પ્લે આંખોથી ઓછામાં ઓછું 80 સે.મી. દૂર હોવું જોઈએ.લાંબા સમય સુધી એક જગ્યાએ બેસવાની ટેવ હોય તો તે બદલી નાખો.દર 20 મિનિટ પછી ઉભા થાવ અને થોડા આંટા મારો.