આફત / નેપાળ પૂર હોનારતમાં મૃત્યુઆંક 752 પર પહોંચ્યો, હજુ પણ 2,502 લોકો ગુમ, 8,730 લોકોને બચાવાયા

નેપાળ પૂર હોનારતમાં મોતનો આંકડો વધી રહ્યો છે. અત્યાર સુધીમાં 752 લોકોના મોત થયા છે અને મોતનો આંકડો વધવાની પૂરી સંભાવના છે કારણ કે હજુ પણ 2502 લોકો ગુમ થયેલા છે જેમની ભાળ મેળવવાના પ્રયાસો થઈ રહ્યાં છે. પૂરથી 239 ઘાયલ સારવાર હેઠળ હોસ્પિટલોમાં દાખલ છે અને 8,730 લોકોને સુરક્ષિત બચાવી લેવાયા છે.

નેપાળ પૂરમાં ઘણા ગુજરાતીઓ પણ ગુમ

નેપાળમાં આવેલા પૂરમાં ઘણા ગુજરાતીઓ પણ ગુમ થયાં છે હજુ સુધી તેમની જાણકારી મળી નથી. સંપર્ક વિહોણા ગુજરાતીઓની સંખ્યા 24 થઈ છે. માત્ર એક જ પરિવારનો સંપર્ક થઈ શક્યો છે. અમરેલીના પ્રવાસીનો તેના પરિવાર સાથે સંપર્ક થયો છે. પરિવારે વહીવટી તંત્રને સંપર્ક થયો હોવાની માહિતી આપી હતી.

આણંદનું કપલ પણ ગુમ

નેપાળમાં આવેલા પ્રલયમાં આણંદનું દંપતી લાપતા બન્યું છે. વિમલ પટેલ અને તેમના પત્ની જૈમીના પટેલ 16 ઓગસ્ટે નમસ્તે નેપાળ ટુર એન્ડ ટ્રાવેલ્સથી નેપાળ ફરવા ગયા હતા ત્યાર બાદ નેપાળ પ્રવાસેથી તેઓ કૈલાશ માનસરોવાર યાત્રાએ નીકળ્યું હતું અને ચીનના વીઝા લેવા ગયા હતા. ગત રવિવારે પરિવારે દંપતી સાથે ટેલિફોનિક વાતચીત કરી હતી. રવિવાર પછીથી વિમલ પટેલ અને જૈમીના પટેલનો કોઈ સંપર્ક નથી.

વધુ વાંચો : PM મોદીને મળ્યું ઉઝબેકિસ્તાનનું સર્વોચ્ચ સન્માન, બન્ને દેશો વચ્ચે યુરેનિયમ સપ્લાય પર સહમતિ

કચ્છી યાત્રાળુઓ સુરક્ષિત

નેપાળમાં મહાવિનાશક પૂર આવ્યું છે. કૈલાશ માનસરોવરની યાત્રાએ ગયેલા ઘણા યાત્રાળુઓ ફસાયા હતા. ગુજરાતમાંથી પણ કેટલાક લોકો યાત્રાએ ગયા હતા જોકે તેમાં સલામત હોવાનું જણાવાઈ રહ્યું છે. કૈલાસ-માનસરોવર યાત્રાએ ગયેલા તમામ 43 કચ્છી યાત્રાળુઓ સુરક્ષિત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ