વિશ્વમાં આપને એવાં અવનવા પ્રકારનાં માણસો જોવા મળશે કે જેઓ એવા કારનામાઓ કરે છે કે તેને આપ સાંભળીને હેરાન થઇ જશો. જેમાં કોઇ દાંતથી ટ્રક ખેંચે છે તો કોઇ પગથી લખે છે. આવો જ એક વિચિત્ર પ્રયોગ ડેવિડ કોવારી (David Kovari) એ કર્યો છે. જેઓએ 24 કલાકમાં જ 7 દેશની સફર પૂર્ણ કરી છે.
વિશ્વમાં આપને એવાં અવનવા પ્રકારનાં માણસો જોવા મળશે કે જેઓ એવા કારનામાઓ કરે છે કે તેને આપ સાંભળીને હેરાન થઇ જશો. જેમાં કોઇ દાંતથી ટ્રક ખેંચે છે તો કોઇ પગથી લખે છે. આવો જ એક વિચિત્ર પ્રયોગ ડેવિડ કોવારી (David Kovari) એ કર્યો છે. જેઓએ 24 કલાકમાં જ 7 દેશની સફર પૂર્ણ કરી છે. પોતે ટ્રાવેલિંગ પર નીકળતા પહેલા તેઓએ પહેલા બનેલા રેકોર્ડની જાણકારી લીધી. પછી એક નવા જ પ્રકારનો રેકોર્ડ બનાવ્યો.
તમને જણાવી દઇએ કે ડેવિડ કોવારી પહેલા વર્ષ 2013માં ગ્લેન બર્મિસ્ટરે 24 કલાકમાં પૂર્વી યૂરોપનાં 4 દેશ કે જેમાં ચેક રિપબ્લિક, ઓસ્ટ્રિયા, સ્લોવાકિયા અને હંગરી ફરીને રેકોર્ડ સર્જ્યો હતો. જો કે, ગ્લેન બાદ કાર્સ્ટેન કોહલરે પણ પાંચ દેશ બેલ્જિયમ, નેધરલેન્ડ્સ, જર્મની, લગ્ઝમબર્ગ અને ફ્રાંસ ફરીને રેકોર્ડ સર્જયો હતો. કાર્સ્ટેન બાદ જર્મનીના માઇકલ મૉલે વર્ષ 2016માં ઇટલી, સ્વિટ્ઝર્લેન્ડ, લિચેસ્ટેનસ્ટીન, ઓસ્ટ્રિયાસ, જર્મની અને ફ્રાંસ 24 કલાકમાં ફરીને રેકોર્ડ બનાવ્યો હતો.
જો કે, ડેવિડે પોતાની સફર પોલેન્ડથી શરૂ કરવાનો પ્લાન બનાવ્યો. પોલેન્ડ થઇને તેઓએ ચેક રિપબ્લિક, ઓસ્ટ્રિયા, સ્લોવાકિયા, હંગરી, સ્લોવેનિયા અને ક્રોએશિયા પહોંચીને એક નવો જ રેકોર્ડ બનાવ્યો. તેઓએ સાત દેશોની આ મુસાફરી 310 માઇલ લગભગ 500 કિ.મીની યાત્રા પૂર્ણ કરી અને તેઓએ ગિનીઝ બુક ઑફ વર્લ્ડ રેકોર્ડ્સ (Guinness world record) માં નામ દાખલ કરાવ્યું. હકીકતમાં ડેવિડ કોવારીને માસ્ટર ડિગ્રી કરતા કરતા એવો અહેસાસ થયો કે તેમને અભ્યાસ સિવાય પણ કંઇક કરવું જોઇએ કે જેનાથી પોતાને એક અલગ જ આનંદની અનુભતિ થાય. આ સાથે જ તેઓ લોકોની વચ્ચે લોકપ્રિયા પણ થાય અને કોઇના કામ આવી શકે.