- રાજધાની પર 'કોરોના સંકટ'
- 24 કલાકમાં 17,282 નવા કેસ,
- 104 દર્દીઓના કોરોનાથી થયાં મોત
ઉલ્લેખનીય છે કે, આ વર્ષે પ્રથમ વખત મોતનો આંકડો 100ને પાર પહોંચ્યો છે. દેશની રાજધાનીમાં કોરોના સંક્રમણના કેસ ઘટવાને બદલે વધી રહ્યા છે. દિલ્હીમાં છેલ્લા 4 દિવસમાં 47 હજારથી વધુ કોરોનાના દર્દીઓ નોંધાયા છે.
અત્યાર સુધીમાં 11,540 લોકોના કોરોનાથી મોત
અત્યાર સુધીમાં કુલ દર્દીઓનો આંકડો 7,67,438 પર પહોંચ્યો છે. જેમાં 7,05,162 દર્દીઓ સાજા થઇ ચૂક્યા છે તો 11,540 લોકોના કોરોનાને કારણે મોત થયાં છે. નોંધનીય છે કે, દિલ્હીમાં દરરોજ નોંધાઇ રહેલા કોરોનાના કેસ ચિંતાજનક છે. તો બીમારીની ઝપેટમાં આવનારની સંખ્યાની ટકાવારી 15.92 % થઇ છે.
આરોગ્ય મંત્રીએ એકજૂટ થવાની કરી અપીલ
દિલ્હીના આરોગ્ય મંત્રી સત્યેન્દ્ર જૈને કોરોના સામેની લડાઇમાં નાગરિકોને એકજૂટ થવાની અપીલ કરતા જણાવ્યું હતું કે, તમામ લોકો કોરોના સંક્રમણને અટકાવવા માટે નિયમોનું પાલન કરે અને માસ્ક પહેરીને જ ઘરની બહાર નીકળે.
.jpg)
73,915 RTPCR ટેસ્ટ કરાયા
ગત 24 કલાક દરમિયાન રાજધાની દિલ્હીમાં 73,915 RTPCR ટેસ્ટ કરવામાં આવ્યા હતા. કેજરીવાલ સરકાર દાવો કરી રહી છે કે, દિલ્હીમાં તમામ સરકારી હોસ્પિટલમાં દર્દીઓ માટે ઉપલબ્ધ બેડ અને આરોગ્ય સુવિધાઓ પર નજર રાખવામાં આવી રહી છે. તો કોવિડ બેડની સંખ્યામાં પણ વધારો કરવામાં આવ્યો છે.
મહારાષ્ટ્રમાં સ્થિતિ ચિંતાજનક
કોરોનાના લીધે આજે પણ મહારાષ્ટ્રમાં કેસોનો રાફડો ફાટ્યો છે. આરોગ્ય વિભાગ દ્વારા રાત્રે 8.30 વાગ્યે બહાર પાડવામાં આવેલા આંકડા મુજબ, છેલ્લા 24 કલાકમાં 58,952 લોકોને કોરોનાનો ચેપ લાગ્યો છે અને 278 દર્દીઓનાં મોત નીપજ્યાં છે. અગાઉ, મંગળવારે 60,212 લોકો, સોમવારે 51,751 અને રવિવારે 63,294 જેટલા દર્દીઓને કોરોના સંક્રમણ થયું હતું, રાજ્યમાં અત્યાર સુધીમાં 35,78,160 લોકોને કોરોના સંક્રમણ થયું છે.
દેશમાં ગત 24 કલાકમાં 1.85 લાખથી વધારે નવા કેસ આવ્યા
ભારતમાં કોરોના સંક્રમણ બેકાબુ રફ્તાર ચાલુ છે. દેશમાં કોરોનાના દર્દીઓ અને મોતના આંકમાં સતત વધારો થઈ રહ્યો છે. પહેલી વાર દેશમાં રેકોર્ડ 1 લાખ 85 હજારથી વધારે કેસ આવ્યા છે. ભારતમાં કોરોનાના એક્ટિવ મામલા હવે 13 લાખને પાર થઈ ગયા છે. ઉલ્લેખનીય છે કે કેટલાક દિવસોમાં દેશમાં સતત દોઢ લાખથી વધારે કોરોનાના પોઝિટિવ કેસ આવ્યા છે.
