કોરોનાએ ફરી વાર દુનિયામાં વિનાશ વેરવાનું શરુ કર્યું છે. છેલ્લા કેટલાક મહિનાઓથી કેટલાક દેશોમાં અચાનક કેસ વધી રહ્યા છે. ચીન છેલ્લા બે વર્ષમાં સંક્રમણના સૌથી ખરાબ તબક્કાનો સામનો કરી રહ્યું છે. અહીંના સૌથી વધુ વસ્તીવાળા શહેર શાંઘાઈમાં સોમવારથી શરૂ થયેલા લોકડાઉનના બીજા તબક્કાનો ફટકો પડ્યો છે. છેલ્લા 24 કલાકમાં ફ્રાન્સમાં રેકોર્ડ સંખ્યામાં લોકોને હોસ્પિટલમાં દાખલ કરવામાં આવ્યા છે. 1 ફેબ્રુઆરીથી આ સંખ્યા 467થી વધીને 21,073 થઈ ગઈ છે.
ચોથી લહેરમાં કયા દેશમાં વધવા લાગ્યા કોરોના કેસ
ચીન
ઈટાલી
દક્ષિણ કોરિયા
ફ્રાન્સ
અમેરિકા
ફ્રાન્સની હોસ્પિટલોમાં ખાટલા ખૂટી પડ્યા
ફ્રાન્સમાં પણ દિનપ્રતિદિન કોરોનાના કેસમાં વધારો આવી રહ્યો છે. પરિસ્થિતિ એટલી બધી ખરાબ બની છે કે હોસ્પિટલમાં હવે ખાટલા પણ ખૂટી પડી ગયા છે. દરરોજ રેકોર્ડબ્રેક સંખ્યામાં દર્દીઓ હોસ્પિટલોમાં ભરતી થઈ રહ્યાં છે.
ઈટાલીમાં એક દિવસમાં નોંધાયા કોરોનાના 30,710 કેસ
ઇટાલીમાં સોમવારે 30,710 નવા કોવિડ -19 કેસ નોંધાયા હતા, જે એક દિવસ પહેલા 59,555 હતા. મૃતકોની સંખ્યા 82થી વધીને 95 થઈ ગઈ છે. શુક્રવારે દેશમાં 75,616 કેસ મળ્યા હતા અને ગુરુવારે 81,811 કેસ નોંધાયા હતા. સોમવારે શાંઘાઈમાં લોકડાઉનનો બીજો તબક્કો લાગુ કરવામાં આવ્યો છે, જેના કારણે લોકડાઉનના પ્રથમ તબક્કાને વધુ કડક બનાવવામાં આવ્યું છે. અહીં દરરોજ નોંધાતા કેસોની સંખ્યા 4400થી વધુ છે. લોકોને તપાસ ન થાય ત્યાં સુધી ઘરની અંદર જ રહેવાનું કહેવામાં આવ્યું છે.
અમેરિકાએ પ્રવાસ એડવાઈઝરી જારી કરી
યુએસ સેન્ટર ફોર ડિસીઝ કંટ્રોલ એન્ડ પ્રિવેન્શન (સીડીસી) અને સ્ટેટ ડિપાર્ટમેન્ટે સોમવારે ભારત અને કેટલાક અન્ય દેશો માટે ટ્રાવેલ એડવાઈઝરી જારી કરી છે. અમેરિકી સરકારે તેના નાગરિકોને આ દેશોના પ્રવાસ સાવચેતથી કરવાની ચેતવણી આપી છે.