બ્રેકિંગ ન્યુઝ
બ્રેકિંગ ન્યુઝ
8 ફોટો ગેલેરી
Last Updated: 04:49 PM, 9 July 2026
FOLLOW ON
શેર કરો
1/8
હિન્દુ ધર્મમાં એકાદશી વ્રતનું આગવું મહત્વ છે. જેમાં અષાઢ મહિનાના કૃષ્ણ પક્ષની એકાદશીને યોગિની એકાદશી ગણાય છે. આ વ્રત ભગવાન વિષ્ણુ અને લક્ષ્મી માતાના આશીર્વાદ મેળવવા માટે શ્રેષ્ઠ માનવામાં આવે છે. આ દિવસે ઉપવાસ અને ધાર્મિક વિધિઓ કરવાથી પાપોમાંથી મુક્તિ મળે છે અને સુખ અને સમૃદ્ધિ મળે છે. આ વર્ષે યોગિની એકાદશી 10 જુલાઈના રોજ આવશે. એકાદશી વ્રતના અમુક કડક નિયમો છે. જો આ દિવસે કોઈ ભૂલ થઈ જાય તો અજાણતાં પણ, વ્રતનો સંપૂર્ણ લાભ મળતો નથી. ચાલો જાણીએ કે યોગિની એકાદશી પર કઈ ભૂલો ન કરવી જોઈએ.
આ તસવીર શેર કરો
2/8
એકાદશી પર સૌથી મહત્વનો નિયમ ચોખાનો ત્યાગ કરવાનો છે. એકાદશી પર ચોખા ખાવાનું પ્રતિબંધિત માનવામાં આવે છે. આ દિવસે ચોખા ખાવાથી આગળનો જન્મ સરકતા પ્રાણીના રૂપમાં આવે છે. આથી ઉપવાસ ન કરતા પરિવારના બીજા સભ્યોએ પણ આ દિવસે ભાત ન ખાવા જોઈએ.
આ તસવીર શેર કરો
3/8
ભગવાન વિષ્ણુની પૂજા તુલસી વગર અધૂરી માનવામાં આવે છે. પરંતુ એકાદશી પર તુલસીના છોડને પાણી ચઢાવવા કે તેના પાન તોડવા પર સખત પ્રતિબંધ છે. માતા તુલસી એકાદશી પર ભગવાન વિષ્ણુ માટે નિર્જળા વ્રત રાખે છે. આથી એક દિવસ અગાઉ પૂજા માટે તુલસીના પાન તોડીને રાખો.
આ તસવીર શેર કરો
4/8
યોગિની એકાદશીના પવિત્ર દિવસે ઘરમાં સંપૂર્ણરીતે સાત્વિક વાતાવરણ હોવું જોઈએ. આથી માંસ, દારૂ, ડુંગળી, લસણ કે બીજી કોઈપણ તામસિક ખોરાક ન લો. આ સિવાય દાળ, રીંગણ અને મૂળા ખાવાનું પણ ટાળો.
આ તસવીર શેર કરો
5/8
એકાદશી વ્રત માત્ર શારીરિક જ નહીં પણ માનસિક રીતે પણ શુદ્ધતાનો દિવસ છે. આથી આ દિવસે કોઈ પર ગુસ્સો કરવાનું, વાદ વિવાદ,કરવાનું કે કોઈનું ખરાબ બોલવાનું ટાળો અને અપશબ્દો તો ના જ બોલો. આ દરમિયાન ઘરમાં શાંતિપૂર્ણ વાતાવરણ જાળવો કેમ કે, લક્ષ્મી માતા નારાજ થઈ જાય છે અને જ્યાં ઝઘડો થાય છે તે સ્થાન છોડી દે છે.
આ તસવીર શેર કરો
6/8
ઉપવાસ કરનાર વ્યક્તિએ એકાદશીના દિવસે દિવસ દરમિયાન ન ઊંઘવું જોઈએ. આ દિવસે વ્યક્તિએ આળસ છોડી દેવી જોઈએ અને ભગવાન વિષ્ણુના મંત્રોચ્ચાર, કીર્તન કે ધાર્મિક ગ્રંથોનું પાઠ કરવામાં વ્યસ્ત રહેવું. આ દરમિયાન રાત્રે જાગવાને પણ ખાસ મહત્વ અપાયું છે.
આ તસવીર શેર કરો
7/8
યોગિની એકાદશી પર જરૂરિયાતમંદ વ્યક્તિને ભોજન, પાણી, પીળા કપડાં કે છત્રીનું દાન કરવું અત્યંત શુભ માનવામાં આવે છે. ભગવાન વિષ્ણુને પીળા ફૂલો, પીળા ચંદન અને કેળા અર્પણ કરો. પ્રસાદમાં પહેલાથી તોડી નાખેલા તુલસીના પાનનો સમાવેશ કરવાનું યાદ રાખો. તથા વ્રત કે પૂજાના અંતે કોઈપણ અજાણતા ભૂલો માટે ભગવાન પાસે ક્ષમા માંગવાનું ભૂલશો નહીં.
આ તસવીર શેર કરો
8/8
ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
