દિલ્હી / દારૂગોળો નહીં હવે ટેકનોલોજીથી દુશ્મનો પર હુમલો, CDS અનિલ ચૌહાણનો સેનાને 'ગુરુમંત્ર'

દિલ્હી કેન્ટના માણેકશા સેન્ટર ખાતે ' એન્યુઅલ ટ્રાઇડેન્ટ લેક્ચર સિરીઝ'ના ઉદ્ઘાટન સત્રમાં CDSઅનિલ ચૌહાણે હાજરી આપી હતી..આ કાર્યક્રમમાં તેમણે વર્તમાન સમયના યુદ્ધ સાથે જોડાયેલી ખુબજ મહત્વની વાત કહી. તેમણે કહ્યું આજનું યુદ્ધ પહેલા જેવું નથી. શસ્ત્રોની સાથે સાથે વિચાર, ટેકનોલોજી અને તાલમેલની પણ લડાઈ છે. જો આપણે આગામી યુદ્ધ જીતવું હોય, તો આપણે ફક્ત શસ્ત્રોથી જ નહીં, પણ આપણી વિચારસરણી, વ્યૂહરચના અને માળખાગત સુવિધાઓ બદલવી પડશે."

તેમણે કહ્યું કે આજના યુદ્ધ હાઇબ્રિડ છે જ્યાં સાયબર હુમલા, ડ્રોન, આર્ટિફિશિયલ ઇન્ટેલિજન્સ, સ્પેસ અને ડેટાનો ઉપયોગ થઈ રહ્યો છે. આવી સ્થિતિમાં, ભારતે પરંપરાગત લશ્કરી માળખાથી આગળ વધીને સંયુક્ત કામગીરી અને તકનીકી નવીનતા તરફ આગળ વધવું પડશે. 'ત્રણેય દળો વચ્ચે મજબૂત સંકલન જરૂરી છે'

તેમણે આર્મી, એરફોર્સ અને નેવી વચ્ચે ઊંડા સંકલન વિશે વાત કરી અને 'ત્રિ-સેવા યુદ્ધ નીતિ'ને ભવિષ્યની જરૂરિયાત ગણાવી. તેમણે કહ્યું કે ભૂમિ, જળ અને આકાશના દળોએ અલગથી નહીં પરંતુ એક સામાન્ય વ્યૂહરચના હેઠળ કામ કરવું જોઈએ. આ સમયની જરૂરિયાત છે.

આ પણ વાંચોઃ VIDEO: 'ઓ મેડમ..મારી પાસે ટ્યુશન લઈ લો...' જેપી નડ્ડા સંસદમાં કોના પર ભડક્યા?

આ પ્રસંગે, ભારતના પ્રથમ ચીફ ઓફ ડિફેન્સ સ્ટાફ જનરલ બિપિન રાવતની યાદમાં તૈયાર કરાયેલું પ્રથમ 'જનરલ બિપિન રાવત પેપર'નું વિમોચન કરવામાં આવ્યું. આ પેપર 'માનવ-માનવરહિત ટીમિંગ' એટલે કે સ્વચાલિત સિસ્ટમો સાથે માનવ ભાગીદારી પર કેન્દ્રિત છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ