તમારા કામનું / RuPay અને Visaમાં કયું કાર્ડ ઉપયોગ કરવો વધુ ફાયદાકારક છે, સમજો આખી વાત

અજકાલની ટેક્નોલોજી યુક્ત દુનિયામાં રોકડ લેનદેનની જગ્યાએ કેશલેસ વ્યવહારો વધુ લોકપ્રિય બન્યા છે. કાર્ડ પેમેન્ટ પણ આ કેશલેસ વ્યવહારનો એક મહત્વપૂર્ણ ભાગ છે. આજના સમયમાં જ્યારે લોકો નવું કાર્ડ પસંદ કરે છે ત્યારે તેઓ RuPay અને Visa કાર્ડ વચ્ચે મૂંઝવણમાં મુકાય છે. બંને કાર્ડમાં કેટલાક તફાવતો હોય છે જેને સમજવું જરૂરી છે જેથી તમારા ઉપયોગ પ્રમાણે યોગ્ય કાર્ડ પસંદ કરી શકાય.

RuPay કાર્ડ એ નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા શરૂ કરાયેલ એક સ્વદેશી પેમેન્ટ નેટવર્ક છે. તેનો મુખ્ય ઉદ્દેશ નાણાકીય સમાવેશ વધારવાનો અને દેશની અંદર ઓછા ખર્ચે ઝડપી વ્યવહારની સુવિધા આપવાનો છે. RuPay ડેબિટ, ક્રેડિટ અને પ્રીપેડ કાર્ડ ઉપલબ્ધ છે. RuPay કાર્ડનો ઉપયોગ ખાસ કરીને ભારતીય બજારમાં વધુ થાય છે અને તેના ટ્રાન્ઝેક્શન ચાર્જ પણ અન્ય આંતરરાષ્ટ્રીય નેટવર્ક કરતાં ઓછા હોય છે કારણ કે તમામ વ્યવહારો ભારતમાં જ પ્રોસેસ થાય છે. તેની ટ્રાન્ઝેક્શન સ્પીડ પણ વધારે હોય છે, જેનાથી ઉપભોક્તાને ઝડપથી સેવા મળે છે.

બીજી બાજુ, Visa કાર્ડ એ એક આંતરરાષ્ટ્રીય પેમેન્ટ નેટવર્ક છે જે અમેરિકાની કંપની છે. Visa કાર્ડ સમગ્ર વિશ્વમાં 200 કરતાં વધુ દેશોમાં માન્ય છે. જો તમે આંતરરાષ્ટ્રીય લેવલ પર ઓનલાઇન શોપિંગ કરો છો અથવા વિદેશ મુસાફરી કરો છો તો Visa કાર્ડ વધુ યોગ્ય રહે છે. જો કે, Visa કાર્ડના ટ્રાન્ઝેક્શન ચાર્જ RuPay કરતાં વધારે હોય છે કારણ કે તેનો પ્રોસેસિંગ બહારના દેશોમાં થાય છે. Visa કાર્ડ વિવિધ પ્રકારના કો-બ્રાન્ડેડ કાર્ડ પણ આપે છે જે ખાસ કરીને શહેરી વિસ્તારોના લોકો માટે વધુ ઉપયોગી બને છે.

આ પણ વાંચો : PHOTO: રેશન કાર્ડના E-KYC માટે ઘરે બેઠા આ રીતે કરો એપ્લાય, એક ક્લિકમાં જાણો જરૂરી ડોક્યુમેન્ટ્સ

છેલ્લે એવું કહી શકાય કે, કયું કાર્ડ શ્રેષ્ઠ છે એ તમારું ઉપયોગ કે જરૂરિયાત પર આધાર રાખે છે. જો તમે ફક્ત ભારતમાં જ લેતીદેતી કરો છો અને ઓછા ખર્ચે ઝડપથી વ્યવહાર કરવા માંગો છો તો RuPay કાર્ડ વધુ ફાયદાકારક છે. પરંતુ જો તમારું કામ આંતરરાષ્ટ્રીય લેવલનું છે અથવા વિદેશ પ્રવાસ વધુ હોય તો Visa કાર્ડ પસંદ કરવું વધુ સારું રહેશે. તેથી બંને કાર્ડ પોતપોતાની જગ્યાએ યોગ્ય છે – મહત્વપૂર્ણ એ છે કે તમે તમારાં ઉપયોગ મુજબ યોગ્ય પસંદગી કરો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ