ફાયદાની વાત / મ્યુચ્યુઅલ ફંડમાં રોકાણ કરતા પહેલા સમજી લેજો સફળ થવાની ફોર્મ્યુલા, જાણો ફાયદા-ગેરફાયદા

Systematic Investment in Mutual Funds: જો વાત કરીએ માર્કેટની તો રોકાણ માટે મ્યુચ્યુઅલ ફંડ એક સારો ઓપ્શન છે. પણ તમારી જેમ હજુ ઘણા એવા લોકો હશે કે જે મ્યુચ્યુઅલ ફંડમાં રોકાણ કરવાની સાચી રીતથી અજાણ હશે. ત્યારે ચાલો આજે સમજીએ કે સમજણપૂર્વકનું મ્યુચ્યુઅલ ફંડમાં રોકાણ કેવી રીતે કરવું કે જે તમને કરોડપતિ બનાવી શકે છે.

સૌથી પહેલા તો કોઈપણ પ્રકારનું રોકાણ કરતાં પહેલા એ સમજવું જરૂરી છે કે મ્યુચ્યુઅલ ફંડ શું છે અને તેમ કેવી રીતે સિસ્ટમેટિક રોકાણ કરવાથી સફળતા મળી શકે તે ફોર્મ્યુલા સમજવી જરૂરી છે.

આપણે ત્યાં હજુ પણ મેજોરીટી એટલે કે મોટા ભાગના લોકો ખાસ કરીને જે લોકો નોકરિયાત છે ત લોકો રોકાણ માટે આ ફોર્મ્યુલા અપનાવે છે.

આવક – ખર્ચ = રોકાણ (પૈસા બચેતો)

પણ અહિયાં એ સમજવું જરૂરી છે કે આ ફોર્મ્યુલા નથી આ Mind-set છે. જો તમે પણ આ પ્રકારની ફોર્મ્યુલા અપનાવી રહ્યા હોવ તો આ ખોટું છે. જો તમે પણ રોકાણ કરીને કરોડપતિ થવા માંગો છો તો તમારે પણ આ ફોર્મ્યુલા અપનાવી જોઈએ રોકાણ માટે અને તે છે

આવક – જીવન જરૂરિયાત ખર્ચ = રોકાણ (ગોલ પ્લાનિંગ મુજબ)

જો તમે પણ તમારી આવક માંથી જીવન નિર્વાહનો ખર્ચ બાદ કરતાં બચતી રકમમાંથી ગોલ પ્લાનિંગ મુજબ રોકાણ કરશો તો કરોડપતિ બનવાની તમારી સફર પણ સરળ થઈ જશે.

હા જ્યાં સુધી શોખ પૂરા કરવાની વાત છે તે આ ફોર્મ્યુલા મુજબ રોકાણ કર્યા પછી જે બચત થાય તેમાંથી કરી શકાય.

આ પણ વાંચો: શું હોમ લોન પર ઘટશે વ્યાજ દર? RBI આપી શકે છે ગુડ ન્યૂઝ!

ચાલો હવે સમજીએ કે આ મ્યુચ્યુઅલ ફંડ શું છે?

મ્યુચ્યુઅલ ફંડ એ એક રોકાણ માટેનું સાધન છે. જેમાં રોકાણકારોના પૈસા નિષ્ણાત ફંડ મેનેજર દ્વારા વિવિધ જગ્યાએ રોકવામાં આવે છે. જેમકે શેરબજાર, બોન્ડ, ગવર્નમેન્ટ સિક્યોરીટી, સોનું, અને અન્ય સિક્યોરીટી.

શું તમને પણ શેરબજારનું નામ સાંભળીને ડર લાગી ગયો?

શેરબજારથી મોટા ભાગના લોકો દૂર રહેવાનું પસંદ કરે છે. અને શેરબજારમાં રોકાણ કરતાં ડરે છે કે અચકાય છે અને ડર લાગવો પણ સ્વાભાવિક છે કારણ કે બોલિવૂડે શેરબજારને બદનામ કરીને રાખ્યું છે. પણ આપણે એવું માનીએ કે આપણાં નસીબ ખૂબ ખરાબ છે ને સૌથી ખરાબ રોકાણ સલાહકાર મળ્યો ને સૌથી ખરાબ મ્યુચ્યુઅલ ફંડની સ્કીમ સિલેક્ટ થઈ ગઈ. તો પણ તમારે ગભરાવાની જરૂર નથી. જો તમે 8 થી 10 વર્ષ માટે રોકાણ કરીને રાખશો તો FD(Fixed Deposit) કરતાં તો સારું જ વળતર મળશે (અંદાજિત 9 થી 12 % તો મળી જશે). અને જો થોડું વધારે રીસર્ચ કરી ને રોકાણ કરશો તો 15 થી 18% વળતર મળશે.

હવે જો તમારો શેરબજારનો ડર દૂર થયો હશે. ચાલો હવે મ્યુચ્યુઅલ ફંડના ફાયદા જાણીએ.

• નિષ્ણાત ફંડ મેનેજર દ્વારા પૈસા મેનેજ કરવામાં આવે છે.
• સેબી દ્વારા દ્વારા નિયમિત (Regulated by SEBI)
• ઓછા પૈસામાં maximum ડાયવર્સિફિકેશન.
• નાની બચત એટલે કે 500 રૂપિયાથી રોકાણ કરી શકાય છે.
• બહુ સરળતાથી ખરીદી/વેચાણ કરી શકાય છે.
• મ્યુચ્યુઅલ ફંડ એ પારદર્શિત હોય છે. દરરોજ NAV (Net Asset Value) મુજબ તમારા ફંડની વેલ્યૂ પણ તમે જાણી શકો છો.
• મ્યુચ્યુઅલ ફંડના વિવિધ વિકલ્પો ઉપલબ્ધ છે. જેવા કે – equity, debt, hybrid, gold, ELSS વગેરે..
• ઇન્કમ ટેક્સની જોગવાઈ 80C મુજબ ELSS મ્યુચ્યુઅલ ફંડમાં રોકાણથી વાર્ષિક 1,50,000 રૂપિયાની છૂટ પણ પ્રાપ્ત થાય છે.

આ પણ વાંચો: ડિજિટલ પેમેન્ટનો ભારતમાં ફરી દબદબો, UPI ટ્રાન્ઝેક્શનનો આંકડો ચક્કર આવી જાય તેવો

મ્યુચ્યુઅલ ફંડ ના ફાયદા તો સમજ્યા પણ સિક્કાની બે બાજુ હોય એમ મ્યુચ્યુઅલ ફંડના ગેરફાયદા પણ છે.

મ્યુચ્યુઅલ ફંડના ગેર ફાયદા

• મ્યુચ્યુઅલ ફંડ કંપનીની લાલચ
• ઘણી મ્યુચ્યુઅલ ફંડ સ્કીમ એવી છે જેમને વધારેથી વધારે પૈસા એકત્ર કરવાની લાલચ છે જેથી મ્યુચ્યુઅલ ફંડ કંપની એટલે AMC (Asset Management Company) ની આવકમાં વધારો થાય.
• AMC ને પૈસા એકત્ર કર્યાના 1 થી 2% આવક થતી હોય છે. તો આ AMCને રોકાણ પર વળતર અપવવાના ફોકસ કરતા વધારે ફંડ એકત્ર કરવા પર કરીને સ્કીમનું પર્ફોમન્સ ખરાબ કરતા હોય છે.
• ફંડ મેનેજરની મર્યાદા
• ફંડ મેનેજર ના હાથમાં નથી કે ક્યારે શેરમાં રોકાણ કરે ને ક્યારે રોકાણ વેચી નાખે. એ રોકાણકર્તાના હાથમા છે.
• રોકાણકર્તા જો પૈસા આપશે તો ફંડ મેનેજર રોકાણ કરશે ને રોકાણકર્તા પૈસા ઉપાડશે તો ફંડ મેનેજરે શેર વેચીને પૈસા પાછા આપવા પડશે.
• ક્યારેક એવું બનતું હોય છે કે માર્કેટમાં ક્રેશ હોય ને સારા શેર સસ્તામાં મળતા હોય ત્યારે ફંડ મેનેજર એવું ઈચ્છતા હોય રોકાણકર્તા વધારે રૂપિયા આપે જેથી સારા શેર સસ્તામાં લઈ ને સારું વળતર આપી શકાય.
• પણ સામાન્ય રોકાણકર્તા આ પરિસ્થિતિમાં panic કરી જતાં હોય છે ને પૈસા ઉપાડી લે છે ત્યારે ફંડ મેનેજરે નુકશાનમાં શેર વેચીને પૈસા પરત કરવા પડે છે.
• ફંડ મેનેજર ની જોબ સિક્યોરિટી.
• મોટા ભાગના કેસમાં એવું બનતી હોય છે કે Small cap અથવા mid cap કંપનીમા સારી તક મળે તો પણ રિસ્ક અને ફંડ મેનેજર પોતાની નોકરી બચાવવા માટે રોકાણ નથી કરતા અને બ્લૂચિપમાં જ રોકાણ કરે છે જેથી રોકાણ કર્તાને સારું વળતર મળતું નથી.

હવે ફાયદા અને ગેરફાયદા સમજ્યા પછી મ્યુચ્યુઅલ ફંડમાં કયા ટાર્ગેટ એટલે કે Goal Planning માટે રોકાણ કરવું જોઈએ તે સમજીએ.

• સંતાનના ઉચ શિક્ષણના લક્ષ્યને પહોચી વળવા માટે
• સંતાનના લગ્નનું ભંડોળ એકત્રિત કરવા માટે
• સ્થાવર મિલકત જેમકે ઘર, દુકાન કે ઓફિસ ખરીદવા માટે
• નિવૃતિનું ભંડોળ એકત્રિત કરવા માટે
• વિદેશ ફરવા માટે
• ઇમરજન્સી ભંડોળ એકત્રિત કરવા માટે

આ પણ વાંચો: સસ્તી થશે લોન ! RBI ત્રીજી વાર ઘટાડશે રેપોરેટ, સામાન્ય લોકોને થશે રાહત

મ્યુચ્યુઅલ ફંડના 15-15-15 નિયમથી કરોડપતિ બનવા સુધીની સફર

આ નિયમ SIP (Systematic Investment Plan) દ્વારા મ્યુચ્યુઅલ ફંડમાં રોકાણ માટે લાગુ પડે છે. જો તમે નિયમિત રીતે 15 વર્ષ સુધી દર મહિને ₹15,000 મ્યુચ્યુઅલ ફંડમાં રોકો છો અને સરેરાશ 15% return મળે છે તો તમે આશરે 1 કરોડ રૂપિયાથી પણ વધુના માલિક બની શકો છો.

ચાલો આને હિસાબ સાથે સમજીએ:

• માસિક રોકાણ: 15,000 રૂપિયા
• કુલ સમયગાળો: 15 વર્ષ (અથવા 180 મહિના)
• કુલ રોકાણ: 27,00,000 રૂપિયા (₹15,000 × 180)
• આશરે વળતર (return): 1,00,27,601 રૂપિયા
  (આંકડા સરેરાશ 15% return મુજબ છે)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ