જાણી લેજો / હવે માત્ર થોડા દિવસો જ બાકી, 31 ડિસેમ્બર સુધીમાં પતાવી દેજો આ કામ નહીં તો વધી જશે મુશ્કેલી

Published By: Priykant Shrimali

Last Updated: 09:30 AM, 19 December 2025

FOLLOW ON

શેર કરો

December Deadline : આ વર્ષ પૂર્ણ થાય તે પહેલા કેટલાક એવા મહત્વપૂર્ણ નાણાકીય કામો છે, જે સમયસર ન કરવામાં આવે તો તમને દંડ, વ્યાજ અને અન્ય મુશ્કેલીઓનો સામનો કરવો પડી શકે

December Deadline : વર્ષ 2025 હવે પોતાના અંતિમ પડાવે પહોંચી ગયું છે. આજથી માત્ર થોડા જ દિવસોમાં 31 ડિસેમ્બર આવી જશે. જોકે આ વર્ષ પૂર્ણ થાય તે પહેલા કેટલાક એવા મહત્વપૂર્ણ નાણાકીય કામો છે, જે સમયસર ન કરવામાં આવે તો તમને દંડ, વ્યાજ અને અન્ય મુશ્કેલીઓનો સામનો કરવો પડી શકે છે. આજના આ આર્ટીકલમાં આપણે જાણીશું એ તમામ માહિતી જે તમારી માટે જરૂરી હોય.

વિલંબિત આવકવેરા રિટર્ન (ITR) ફાઇલ કરવું

જો તમે હજી સુધી નાણાકીય વર્ષ 2024-25 માટે તમારું આવકવેરા રિટર્ન ફાઇલ નથી કર્યું, તો હવે તમારી પાસે 31 ડિસેમ્બર, 2025 સુધીનો છેલ્લો મોકો છે. આ તારીખ બાદ તમે આ વર્ષ માટે ITR ફાઇલ કરી શકશો નહીં.

મોડું રિટર્ન ફાઇલ કરશો તો કેટલી ફી ભરવી પડશે?

વાર્ષિક આવક ₹5 લાખથી ઓછી હોય તો – ₹1,000 લેટ ફી
વાર્ષિક આવક ₹5 લાખ કે તેથી વધુ હોય તો – ₹5,000 લેટ ફી

સમયસર ITR ફાઇલ ન કરવાથી શું નુકસાન થાય છે?

ITR સમયસર ન ભરવાથી માત્ર દંડ જ નહીં, પણ અન્ય ઘણી સમસ્યાઓ પણ ઊભી થઈ શકે છે. ટેક્સ રિફંડ મોડું મળી શકે છે અથવા રદ પણ થઈ શકે છે. બાકી ટેક્સ પર વધારાનું વ્યાજ લાગુ પડી શકે છે. આવકવેરા વિભાગ તરફથી નોટિસ મળવાની શક્યતા વધે છે. ભવિષ્ય પર પણ અસર પડે છે.

જો તમે વારંવાર ITR ફાઇલ નથી કરતા, તો તમારી ટેક્સ પ્રોફાઇલ નબળી બની જાય છે. જેના કારણે લોન અથવા ક્રેડિટ કાર્ડ મેળવવામાં મુશ્કેલી, ક્રેડિટ સ્કોર પર નકારાત્મક અસર, વિઝા અરજી વખતે મુશ્કેલી થઈ શકે છે. આ કારણે, ભવિષ્યને ધ્યાનમાં રાખીને પણ સમયસર ITR ફાઇલ કરવું ખૂબ જ જરૂરી છે.

આધાર અને પાન કાર્ડ લિંક કરવું

જો તમારું આધાર કાર્ડ 1 ઓક્ટોબર, 2024 કે તે પહેલાંનું છે અને તમે હજી સુધી PAN સાથે તેને લિંક નથી કર્યું, તો 31 ડિસેમ્બર, 2025 સુધીમાં આ કામ જરૂરથી પૂર્ણ કરો. જો તમે આ સમયમર્યાદા ચૂકી જશો, તો તમારું PAN કાર્ડ નિષ્ક્રિય થઈ શકે છે.