- લગ્નનો દિવસ દરેક વ્યક્તિ માટે મહત્વનો હોય છે
- દુલ્હનનાં હાથ પર મહેંદી લગાડવામાં આવી રહી છે
- હથેળી પર ડિઝાઈનની જગ્યાએ કેટલાક યાદગાર દિવસો લખવામાં આવ્યા
દરેક વ્યક્તિ માટે લગ્ન જીવનનો સૌથી મોટો અને ખાસ દિવસ હોય છે અને લોકો તેને યાદગાર બનાવવાના તમામ પ્રયાસો કરે છે. આ માટે લોકો સજાવટથી માંડીને મહેમાનોની મહેમાનગતિ સુધીના દરેક પ્રસંગને અદભૂત બનાવવા માટે કોઈ કસર છોડતા નથી. હવે લગ્નોમાં દરેક ફંક્શન, પછી તે મહેંદી હોય કે હલ્દી, બધું જ ટ્રેન્ડિંગ રીતે કરવામાં આવે છે, જેમાં ડેકોરેશન, ડ્રેસ કોડ અને થીમનું ખાસ ધ્યાન રાખવામાં આવે છે. હવે સોશિયલ મીડિયા પર એક વીડિયો વાયરલ થઈ રહ્યો છે, જેમાં દુલ્હનના હાથ પર મહેંદી (બ્રાઈડલ મહેંદી) લગાવવામાં આવી રહી છે. પરંતુ, તેની મહેંદીમાં કંઈક એવું છે, જે તમને પણ આશ્ચર્યચકિત કરી દેશે.
હથેળી પર ડિઝાઈનની જગ્યાએ કેટલાક યાદગાર દિવસો લખવામાં આવ્યા
ઈન્સ્ટાગ્રામ પર વાયરલ થઈ રહેલી આ રીલમાં તમે જોઈ શકો છો કે યુવતીના હાથ પર મહેંદી લગાવવામાં આવી રહી છે. રસપ્રદ વાત એ છે કે હથેળી પર ડિઝાઈનની જગ્યાએ કેટલાક યાદગાર દિવસો પણ લખવામાં આવ્યા છે, જેને જોઈને લોકો ખૂબ એન્જોય કરી રહ્યા છે. હાથ પર લખેલી બધી તારીખોની ટોચ પર ઇન્સ્ટાગ્રામ પર મેસેજ કરવાની તારીખ છે, પ્રથમ મુલાકાત અને લગ્નની તારીખ છેલ્લે લખેલી છે, જે દર્શાવે છે કે છોકરાએ છોકરીને 19 જાન્યુઆરી, 2022 ના રોજ પ્રપોઝ કર્યું હતું. બંને 25 એપ્રિલ 22ના રોજ એકબીજાને મળ્યા હતા અને તેમના લગ્ન 31 જાન્યુઆરી 2023ના રોજ નક્કી થયા હતા.
કેટલાક લોકો લગ્ન માટે અભિનંદન આપી રહ્યા છે
આ વીડિયો જોઈ લોકો ખૂબ જ આનંદીત થઈ રહ્યા છે. જ્યાં કેટલાક લોકો લગ્ન માટે અભિનંદન આપી રહ્યા છે. તો કેટલાક છૂટાછેડાની તારીખ જણાવી રહ્યા છે. આ વીડિયોને ઇન્સ્ટાગ્રામ પર mehandi_by_anku નામના પેજ પરથી શેર કરવામાં આવ્યો છે.
