મનોરંજન / ઐશ્વર્યા રાય સાથે છૂટાછેડા લેવા જઈ રહ્યો છે અભિષેક બચ્ચન? સોશિયલ મીડિયા પોસ્ટે જગાવી ચર્ચા

અભિષેક બચ્ચનની એક ખાસ પોસ્ટ હાલમાં સોશિયલ મીડિયા પર ખૂબ જ ઝડપથી વાયરલ થઈ રહી છે. સામાન્ય રીતે અભિષેક બચ્ચન સોશિયલ મીડિયા પર વધુ સક્રિય રહેતા નથી પરંતુ આ વખતે તેમણે એક એવી પોસ્ટ શેર કરી છે જે તેમના ચાહકોનું ધ્યાન ખેંચી રહી છે. અભિષેકે પોતાના દિલની લાગણીઓ વ્યક્ત કરતી કેટલીક પંક્તિઓ લખી છે, જેના પરથી ચાહકો અલગ-અલગ અનુમાન લગાવી રહ્યા છે કે શું તે પોતાની લાગણીઓ શેર કરી રહ્યા છે કે પછી તેના આવનારા કોઈ ખાસ પ્રોજેક્ટનો સંકેત આપી રહ્યા છે.

પોસ્ટમાં શું લખ્યું છે ?

અભિષેક બચ્ચનની પોસ્ટમાં તેમણે લખ્યું છે કે, "હું એક વાર માટે ગાયબ થઈ જવા માંગુ છું, હું ફરીથી ભીડમાં મારી જાતને શોધવા માંગુ છું. મારી પાસે જે કંઈ હતું, મેં તે બધું મારા પ્રિયજનોને આપી દીધું છે, હવે હું ફક્ત મારા માટે થોડો સમય ઇચ્છું છું." તેમના આ શબ્દો ચાહકોના દિલને સ્પર્શી ગયા છે અને ઘણા લોકો આ પોસ્ટ પર વિવિધ પ્રકારની પ્રતિક્રિયાઓ આપી રહ્યા છે. ચાહકોમાં કોઈએ લખ્યું કે આ શબ્દો ખુબ જ સાચા છે, તો કોઈએ લખ્યું કે અભિષેકને એકલા પ્રવાસ પર જવું જોઈએ. ઘણા ચાહકો તો અભિષેકની વાતને સમર્થન આપ્યું છે અને કહ્યું છે કે ક્યારેક પોતાને માટે સમય કાઢવો જરૂરી બની જાય છે.

અભિષેક બચ્ચના તાજેતરની ફિલ્મ

અભિષેક બચ્ચનના વ્યાવસાયિક જીવન વિશે વાત કરીએ તો તેઓ તાજેતરમાં ફિલ્મ હાઉસફુલ 5માં જોવા મળ્યા હતા. આ ફિલ્મમાં તેમના સાથે અક્ષય કુમાર અને રિતેશ દેશમુખ મુખ્ય ભૂમિકામાં હતા. ફિલ્મે બોક્સ ઓફિસ પર સારી કમાણી કરી છે અને લોકોને પણ ખૂબ પસંદ આવી છે.

આ પણ વાંચો : શું ગોવિંદાના સંબંધોમાં ફરીથી ખટાશ આવી? છૂટાછેડાની ચર્ચાઓ વચ્ચે જાણો અસલી સચ્ચાઈ

હવે અભિષેક બચ્ચન આગામી ફિલ્મ રાજા શિવાજીમાં જોવા મળશે. આ ફિલ્મ છત્રપતિ શિવાજી મહારાજને શ્રદ્ધાંજલિ રૂપે બનાવવામાં આવી રહી છે. ફિલ્મમાં અભિષેક ઉપરાંત સંજય દત્ત, મહેશ માંજરેકર, સચિન ખેડકર, ભાગ્યશ્રી, ફરદીન ખાન અને જેનેલિયા ડિસોઝા જેવી જાણીતી હસ્તીઓ છે. ફિલ્મનું નિર્માણ જ્યોતિ દેશપાંડે અને જેનેલિયા દેશમુખ કરી રહ્યા છે અને દિગ્દર્શન રિતેશ દેશમુખનું છે. ખાસ વાત એ છે કે આ ફિલ્મ મરાઠી, હિન્દી, તમિલ, તેલુગુ, કન્નડ અને મલયાલમ ભાષાઓમાં રિલીઝ થવાની છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ