ફાયદાની વાત / 1 લીટર પેટ્રોલમાં 90 કિલોમીટર ચાલશે બજાજનું આ બાઈક, જાણો કિંમત અને ફીચર્સ

• 1 લીટર પેટ્રોલમાં 90 કિલોમીટર ચાલશે
• બજાજના આ બાઈકની કિંમત અને ફિચર્સ જાણો 
• બાઈકની શરૂઆતી કિંમત 55,494 રૂપિયા

દેશની મોટી વાહન નિર્માતા કંપની Bajaj Autoએ હાલમાં જ પોતાની CT 110 મોડલના નવા વેરિએન્ટ Bajaj CT 110Xને બજારમાં લોન્ચ કર્યું છે. કંપનીએ આ બાઈકમાં અમુક ખાસ ફેરફારની સાથે બજારમાં લોન્ચ કર્યું છે. શાનદાર અને આકર્ષક લુકથી સજેલી આ બાઈકની શરૂઆતી કિંમત 55,494 રૂપિયા નક્કી કરવામાં આવી છે. કંપનીએ આ બાઈકને સ્કવોય ટ્યુબ અને સેમી ડબલ ક્રેડલ ફ્રેમ પર તૈયાર કરી છે. 

એન્જિન
કંપનીએ આ બાઈકના એન્જિનમાં કોઈ ફેરફાર નથી કર્યો. તેનું એન્જિન CT 110 મોજલ જેવું જ છે. જે 115 ccની ક્ષમતાના એન્જિનથી સજ્જ છે. આ એન્જિન 10 Nmનો ટોર્ક અને 8bhpનો પાવર જનરેટ કરે છે. આ બાઈકનું એન્જિન 4 સ્પીડ ગેરબોક્સની સાથે આવે છે. 

ડિઝાઈન અને લુક 
કંપનીએ આ બાઈકને આકર્ષક લુક સાથે બજારમાં લોન્ચ કર્યું છે. આ બાઈકને ખાસ બનાવવા માટે તેમાં ગ્રિલની સાથે સર્કૂલર હેન્ડલેપ, નવા ડિઝાઈનનું ફ્યુલ ટેન્ક જે થાઈ પેડની સાથે આવે છે અને સ્લીક લુક વાળી સીટ આપવામાં આવી છે. આ સાથે જ તેમાં કેરિયર પણ આપવામાં આવ્યું છે. 

સુરક્ષિત અને આરામદાયક 
સારી સુરક્ષા માટે કંપનીએ આ બાઈકમાં મોટા ક્રેશ ગાર્ડસનો ઉપયોગ કર્યો છે. આ બાઈક સેમી નોબી ટાયર, નવા ડુટલ ટેક્સ સીટ અને 170mmના ગ્રાઉન્ડ ક્લિયરન્સ સાથે આવે છે જે ખરાબ રસ્તાઓ પર પણ આરામદાયક ડ્રાઈવિંગનો અનુભવ આપે છે. 

ફિચર્સ 
કંપનીએ આ બાઈકમાં 17 ઈંચનું એલોય વ્હીલ, ટ્યુબલેસ ટાયર અને કોમ્બી બ્રેકિંગ સિસ્ટમ આપવામાં આવ્યા છે. આ ઉપરાંત બાઈકના ફ્રંટમાં 125mmનું ટેલિસ્કોપિક ફોર્ક સસ્પેન્શન અને પાછલા ભાગમાં 100mmનું ડુએલ શોક ઓબ્ઝર્વર સસ્પેન્શન આપવામાં આવ્યું છે. આ પ્રાઈઝ સેગમેન્ટમાં આ બાઈક દરેક સારા ફિચરથી સજ્જ છે. 

કિંમત અને કલર 
કંપનીએ આ બાઈકમાં 4 કલર ઓપ્શન બ્લુની સાથે બ્લેક, રેડની સાથે બ્લેક, ગ્રીનની સાથે ગોલ્ડન અને રેડ કલર આપ્યો છે. આ બાઈકની શરૂઆતી કિંમત 55,494 રૂપિયા છે.