નર્મદા / સાગબારા આંદોલનની વચ્ચે મોટા સમાચાર, સાંસદ મનસુખ વસાવા ગાંધીનગરમાં મુખ્યમંત્રીને મળ્યાં

સાગબારા તાલુકામાં જંગલની જમીન પર થઈ રહેલા આંદોલનની વચ્ચે ભરૂચના સાંસદ મનસુખ વસાવા ગાંધીનગર પહોંચીને મુખ્યમંત્રી ભૂપેન્દ્ર પટેલને મળ્યાં હતા. તેમની વચ્ચે નિરાકારણ બાબતે ચર્ચા થઈ હોવાનું જણાવાઈ રહ્યું છે. 10 ઓગસ્ટ સુધીમાં આ આંદોલનનું નિરાકરણ આવી શકે છે.

શું છે વિવાદ

હકીકતમાં સાગબારા તાલુકાના ખોપી સહિત 12 ગામોના આદિવાસી ખેડૂતો આંદોલન પર છે. તેમનો આરોપ છે કે તેમને જંગલ જમીન પર ખેતી કરતા અટકાવાયા હતા. આથી તેઓ ખેતરમાં ધરણા પર બેસી ગયા હતા. ગઈકાલે સવારથી જ ખેડૂતો પોતાની જમીન પર ખેડાણ કરવા પહોંચ્યા હતા. જોકે, વનવિભાગના કર્મચારીઓએ તેમને અટકાવ્યા હતા. આના વિરોધમાં 12 ગામોના આદિવાસી ખેડૂતોએ ખેતરોમાં જ ધરણા શરૂ કર્યા હતા અને આખી રાત પણ ધરણા ચાલુ રાખ્યા હતા.

વધુ વાંચો : VIDEO : હવે છોકરીઓને ભણવા કેવી રીતે મોકલવી? અમદાવાદમાં PG યુવતી દુષ્કર્મ બાદ રાજકોટ-સુરતમાં રોષ

9 ઓગસ્ટે વિશ્વ આદિવાસી દિવસ

ઉલ્લેખનીય છે કે 9 ઓગસ્ટે વિશ્વ આદિવાસી દિવસ હતો. આ દિવસે પણ આદિવાસીઓના ધરણા ચાલુ રહ્યાં હતા. આદિવાસી ખેડૂતોએ અન્ય આદિવાસી સમાજના લોકોને પણ આ આંદોલનમાં જોડાવા આહવાન કર્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ