ટેકનોલોજી / તમારા ફોનમાં આ સેટિંગ આજે જ કરી દેજો ઓફ નહીંતર ઉતરી જશે બેટરી

આજ કાલ સ્માર્ટફોન આપણા જીવનનો મહત્વનો હિસ્સો બની ગયો છે. સવારે ઉઠવાથી માંડીને રાતે સુવા સુધી સ્માર્ટફોનની આસપાસ જ આપણો દિવસ જાય છે. ઓનલાઈન બુક વાંચવાનું હોય કે બ્રેડ માટે ઓનલાઈન પેમેન્ટ બધુ કામ આપણો ફોન ચપટીમાં કરી દે છે. મુશ્કેલી તો ત્યારે આવે છે જ્યારે ફોનની બેટરી ફટાફટ ઉતરવા લાગે છે. ઘણી વખત આપણે ફોન યુઝ ન કરી તો પણ બેટરી લેવલ ઓછુ થઈ જાય છે. તેનું કારણ છે એ બ્રેકગ્રાઉન્ડ સેટિંગ્સ જે છુપાઈને તમારી બેટરી ખાય છે.જો તમારી સાથે પણ આવું થાય છે તો તમારે આ સાત સેટિંગ્સને તાત્કાલિક બદલી દેવા જોઈએ.

બેકગ્રાઉન્ડ એપ રિફ્રેશ

ઘણી એપ્લિકેશ બંધ હોવા છતા બેકગ્રાઉન્ડમાં અપડેટ થતા રહે છે જેનાથી તમને ફ્રેશ કન્ટેન્ટ મળી શકે છે. આ પ્રોસેસ બેટરી ખર્ચે છે. એવામાં ફોનના સેટિંગ્સમાં જઈને બેકગ્રાઉન્ડ એપ્લિકેશન રિફ્રેશને પુરી રીતે બંધ કરી દો કે પછી જરૂર હોય એવી એપ્લિકેશન માટે જ ચાલુ રાખો.

લોકેશન સર્વિસ અને જીપીએસ

મેપ્સ, કેબ એપ્લિકેશન અને ફેસબુક પણ આ તમામ તમારું લોકેશન ટ્રેક કરે છે. જીપીએસ સતત ઓન રાખવું બેટરીનો સૌથી મોટો દુશ્મન છે. એટલા માટે Alwaysની જગ્યાએ While using the App પર સેટ કરો.

બ્રાઈટનેસ અને ઓટો બ્રાઈટનેસ

સ્ક્રીનની લાઈટ વધારે રાખવાથી બેટરી ફટાફટ ખતમ થઈ જાય છે. ઓટો બ્રાઈટનેસ ફીચર સેન્સરનો ઉપયોગ કરે છે જેનાથી બેટરી વધુ ખર્ચાય છે. જેના માટે બ્રાઈટનેસ મેન્યુઅલી મોડ પર રાખો અને ડાર્ક મોડનો ઉપયોગ કરો. એમોલેડ સ્ક્રીન વાળા ફોનમાં ડાર્ક મોડ બેટરીને સેવ કરે છે.

નોટિફિકેશન્સ

જ્યારે પણ કોઈ નોટિફિકેશન આવે તો ફોનની સ્ક્રીન ઓન થઈ જાય છે અને વાઈબ્રેશન થાય છે. ફાલતુ એપ્લિકેશનની નોટિફિકેશન બેટરીને ખર્ચી નાંખે છે. એટલા માટે સેટિંગ્સમાં Notification પર જાવ અને શોપિંગ કે ગેમિંગ એપ્લિકેશનના ફાલતુ નોટિફિકેશનને બ્લોક કરી દો.

આ પણ વાંચોઃ Google Maps ની મદદથી આ રીતે બચાવો ટોલ ટેક્સ, જાણો કેવી રીતે બનાવવું સફરને આસાન?

વાઈ ફાઈ અને બ્લુટુથ સ્કેનિંગ

ભલે તમારું વાઈફાઈ કે બ્લુટુથ બંધ હોય પણ ફોનના અંદર સ્કેનિંગ ચાલુ રહે છે જેનાથી તે આજુબાજુના ડિવાઈસને શોધી શકે.એવામાં Location Settings ની અંદર જઈને 'Wi-Fi and Bluetooth Scanning' ને બંધ કરી દેવું જોઈએ.

વોઈસ કમાન્ડ

તમારો ફોન હંમેશા તમારો અવાજ સાંભળવા માટે તૈયાર રહે છે. એટલા માટે માઈક્રોફોન હંમેશા ચાલુ રહે છે જે બેટરી ખર્ચી દે છે. જો તમે વોઈસ આસિસ્ટન્ટનો વધારે ઉપયોગ ન કરતા હોવ તો Wake Word કે લિસનિંગ ફીચરને બંધ કરી દો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ