જ્યોતિષ / નવરાત્રિ પર અનોખો સંયોગ, બે દિવસ મા ચંદ્રઘંટાની કરી શકશો પૂજા, જાણો કારણ

આશ્વિન મહિનાની શુદ્ધ પક્ષની પ્રતિપદા થી શરૂ થયેલી શારદીય નવરાત્રી આ વર્ષે ખાસ બની છે. સામાન્ય રીતે નવરાત્રી 9 દિવસ સુધી ચાલે છે, પરંતુ આ વખતે તે 10 દિવસ સુધી ઉજવાશે. આ વિશેષ સંયોગને કારણે તૃતીયા તિથિ એક નહિ પરંતુ બે દિવસ સુધી રહેશે. એટલે માતાજીના ત્રીજા સ્વરૂપ માતા ચંદ્રઘંટાની પૂજા સતત બે દિવસ સુધી કરવાની તક મળશે.

પંચાંગ મુજબ તૃતીયા તિથિ 24 સપ્ટેમ્બર સવારે 4:51 થી શરૂ થઈ અને 25 સપ્ટેમ્બર સવારે 7:06 સુધી ચાલશે. આ વધેલી તિથિના કારણે જ બે દિવસ સુધી માતા ચંદ્રઘંટાની આરાધના શક્ય બની છે. આવો સંયોગ 1998 બાદ આ વર્ષે બન્યો છે, ત્યારે ચતુર્થી બે દિવસ સુધી રહી હતી.

માતા ચંદ્રઘંટાનો વૈભવ

દેવી દુર્ગાના ચંદ્રઘંટા સ્વરૂપના મસ્તક પર અર્ધચંદ્રના આકારનું ઘંટાકાર ચિહ્ન છે. તેમના ગળામાં સફેદ પુષ્પોની માળા છે અને તેઓ સિંહ પર આરુઢ છે. દસ હાથ ધરાવતી મા ચંદ્રઘંટાના હાથે કમળ, ધનુષ્ય-બાણ, ખડગ, ત્રિશૂલ, ગદા જેવા અનેક દિવ્ય શસ્ત્રો શોભે છે. આ સ્વરૂપ શક્તિ, સાહસ અને દુષ્ટોના નાશનું પ્રતિક છે.

વધુ વાંચો : ભલે પાકિસ્તાને સુપર-4 પોઇન્ટ્સ ટેબલમાં એન્ટ્રી મારી દીધી, છતાં ટીમ ઇન્ડિયાથી તો પાછળ જ રહેશે!

નવરાત્રીની તારીખો અને સ્વરૂપો

• 22 સપ્ટેમ્બર – પ્રતિપદા : શૈલપુત્રી
• 23 સપ્ટેમ્બર – દ્વિતિયા : બ્રહ્મચારિણી
• 24-25 સપ્ટેમ્બર – તૃતીયા : ચંદ્રઘંટા (બે દિવસ)
• 26 સપ્ટેમ્બર – ચતુર્થી : કૂષ્માંડા
• 27 સપ્ટેમ્બર – પંચમી : સ્કંદમાતા
• 28 સપ્ટેમ્બર – ષષ્ઠી : કાત્યાયની
• 29 સપ્ટેમ્બર – સપ્તમી : કાળરાત્રી
• 30 સપ્ટેમ્બર – અષ્ટમી : મહાગૌરી
• 1 ઑક્ટોબર – નવમી : સિદ્ધિદાત્રી

વધુ વાંચો : નવરાત્રિના ત્રીજા દિવસે થાય છે મા ચંદ્રઘંટાની પૂજા, જાણો શુભ મુહૂર્ત, આરતી અને મંત્ર

શ્રદ્ધાળુઓ માટે ખાસ સંદેશ

જ્યોતિષીઓ જણાવે છે કે આ વર્ષે બે દિવસ સુધી માતા ચંદ્રઘંટાની પૂજા કરવાથી સાધકોને વિશેષ ફળ પ્રાપ્ત થશે. દુશ્મનો પર વિજય, સાહસમાં વધારો અને માનસિક શાંતિ માટે આ આરાધના શ્રેષ્ઠ માનવામાં આવી છે.

આરતી

અંબે તું છે જગદંબે કાળી, જય દુર્ગે ખપરવાળી,

તારા ગુણો ગાયે ભારતી, ઓ મૈયા અમે ઉતારીએ તારી આરતી ॥

ભક્તજનો પર માઁ ભીર પડી છે ભારી,

દાનવો પર તૂટી પડ તું, કરી સિંહ સવારી ॥

સૌ સૌ સિંહોથી બલશાળી, છે અષ્ટભુજાવાળી,

દુષ્ટોને તું જ લલકારતી, ઓ મૈયા અમે ઉતારીએ તારી આરતી ॥

માતા–પુત્રનો છે જગમાં નિર્મળ નાતો,

પૂત–કપૂત સાંભળ્યા છે, પણ માતા નહીં બને કુમાતા ॥

સર્વે પર કરુણા વરસાવનારી, અમૃત વરસાવનારી,

દુઃખિયાના દુઃખડા દૂર કરતી, ઓ મૈયા અમે ઉતારીએ તારી આરતી ॥

નહીં માંગીએ ધન ને દોલત, ન ચાંદી ન સોનું,

માગીએ ફક્ત તારા ચરણોમાં નાની એક જગ્યા ॥

બગડેલા કામ બનાવનારી, લાજ બચાવનારી,

સતીઓના સત્યને સંભારતી, ઓ મૈયા અમે ઉતારીએ તારી આરતી ॥

ચરણ શરણમાં ઊભા તારા, લઈ પૂજાની થાળી,

વરદહસ્ત રાખી દે મા, દૂર કર સંકટ કાળી ॥

ભક્તિરસની પ્યાલી ભરી દે, અષ્ટભુજાવાળી,

ભક્તોના કારજ પૂરાં કરતી, ઓ મૈયા અમે ઉતારીએ તારી આરતી ॥

(DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ