ગાંધીનગર / આજે વિધાનસભાની મહત્વપૂર્ણ બેઠક મળશે, સામાન્ય વહીવટથી લઈને અનેક મુદ્દાઓ પર થશે ચર્ચા

ગાંધીનગર ખાતે આજે બપોરે 12 વાગ્યે ગુજરાત વિધાનસભાની મહત્વપૂર્ણ બેઠક મળશે. બેઠકની શરૂઆત પ્રશ્નોત્તરી કાળથી કરવામાં આવશે, જેમાં મુખ્યમંત્રી હસ્તકના વિવિધ વિભાગોને લગતા પ્રશ્નો પર ચર્ચા થશે.

પ્રશ્નોત્તરી દરમિયાન સામાન્ય વહીવટ વિભાગ, મહેસુલ વિભાગ, માર્ગ અને મકાન વિભાગ, નર્મદા વિભાગ, પાટનગર યોજના, ખાણ ખનીજ અને બંદરો તેમજ માહિતી પ્રસારણ વિભાગના પ્રશ્નો ઉઠાવવામાં આવશે. ઉપરાંત જળ સંપત્તિ વિભાગ તથા મહિલા અને બાળ કલ્યાણ વિભાગ સંબંધિત મુદ્દાઓ પર પણ સભામાં ચર્ચા થવાની છે. બેઠક દરમિયાન બિનસરકારી સભ્યોની સમિતિના કામકાજ અંગેની સમિતિનો અહેવાલ પણ ગૃહમાં રજૂ કરવામાં આવશે, જે પર સભ્યો પોતાની રજૂઆત કરશે.

આ પણ વાંચોઃ પાકિસ્તાનને હરાવનારી ટીમ ઇન્ડિયા અમદાવાદ પહોચી, એરપોર્ટ પર જોરદાર સ્વાગત, 18મીએ નેધરલેન્ડ સામે મેચ

આવતીકાલે ગૃહમાં બે મહત્વપૂર્ણ વિધેયકો પર ચર્ચા બાદ તેમને પારિત કરવામાં આવશે. જેમાં “ગુજરાત દુકાન અને સંસ્થા (રોજગાર નિયમન અને સેવાની શરતો) સુધારા વિધેયક” મંત્રી કુંવરજી બાવળિયા દ્વારા રજૂ કરવામાં આવશે. ઉપરાંત “ગુજરાત ઘરખેડ, ગણોત વહીવટ પતાવટ અને ખેતીની જમીન ગુજરાત સુધારા વિધેયક” મંત્રી સંજયસિંહ મહિડા ગૃહમાં રજૂ કરશે. રાજ્યના વહીવટી અને વિકાસલક્ષી મુદ્દાઓને ધ્યાનમાં રાખીને આ બેઠક મહત્વપૂર્ણ માનવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ