5 ફોટો ગેલેરી

Monsoon 2026 / 20 સપ્ટેમ્બરે દેશના 7 રાજ્યોમાં ભારે વરસાદનું એલર્ટ, 50 kmphની ઝડપે ફૂંકાશે પવન

Last Updated: 11:51 PM, 19 September 2026

FOLLOW ON

શેર કરો

ભારતીય હવામાન વિભાગ (IMD) દ્વારા 20 સપ્ટેમ્બરના રોજ દેશના 7 મુખ્ય રાજ્યો અને ક્ષેત્રોમાં ભારે વરસાદનું એલર્ટ જાહેર કરવામાં આવ્યું છે.

1/5

1. 20 સપ્ટેમ્બરે દેશના 7 રાજ્યોમાં ભારે વરસાદનું એલર્ટ, 50 kmphની ઝડપે ફૂંકાશે પવન

હવામાન વિભાગ (IMD) તરફથી દેશના વિવિધ વિસ્તારો માટે તાજુ હવામાન બુલેટિન બહાર પાડવામાં આવ્યું છે. 20 સપ્ટેમ્બરના રોજ દેશના અલગ-અલગ ભાગોમાં હવામાનમાં મોટો પલટો જોવા મળશે. દક્ષિણ ભારત, દ્વીપસમૂહ અને પૂર્વ-ઉત્તરના રાજ્યોમાં વાવાઝોડા સાથે ભારે વરસાદની શક્યતા વ્યક્ત કરવામાં આવી છે.

આ તસવીર શેર કરો

2/5

2. આ 7 રાજ્યો અને વિસ્તારોમાં મુસળધાર વરસાદનું એલર્ટ

IMDના અહેવાલ અનુસાર, 20 સપ્ટેમ્બરે દેશના 7 મુખ્ય ક્ષેત્રોમાં ભારેથી અતિભારે વરસાદ પડી શકે છે. અંદમાન અને નિકોબાર દ્વીપસમૂહ, તટીય આંધ્ર પ્રદેશ, કર્ણાટક, કેરળ અને માહે, તમિલનાડુ, પુડુચેરી અને કરાઇકલ તેમજ તેલંગાણામાં જુદા જુદા સ્થળોએ ભારે વરસાદની ચેતવણી આપવામાં આવી છે.

આ તસવીર શેર કરો

3/5

3. 40 થી 50 kmphની ઝડપે ફૂંકાશે ચક્રવાતી પવનો

દક્ષિણ ભારતના રાજ્યો, મહારાષ્ટ્રના ભાગો અને અંદમાન નિકોબારમાં મેઘગર્જના સાથે 40 થી 50 kmphની ઝડપે પવન ફૂંકાવાનો અંદાજ છે. અંદમાન અને નિકોબાર, આંધ્ર પ્રદેશ, તટીય કર્ણાટક, દક્ષિણ આંતરિક કર્ણાટક, મધ્ય મહારાષ્ટ્ર, ઓડિશા, તમિલનાડુ અને પુડુચેરીમાં વીજળીના કડાકા-ભડાકા સાથે ભારે પવનની ચેતવણી છે.

આ તસવીર શેર કરો

4/5

4. ઝારખંડ, બંગાળ અને રાજસ્થાનમાં 30 થી 40 kmphની પવનની ગતિ

પૂર્વ, મધ્ય અને પશ્ચિમ ભારતમાં પણ વાવાઝોડાની અસર જોવા મળશે. પૂર્વ રાજસ્થાન, ગંગેય પશ્ચિમ બંગાળ, ઝારખંડ, કોંકણ અને ગોવા, મધ્ય પ્રદેશ, મરાઠવાડા, ઉત્તર આંતરિક કર્ણાટક, તેલંગાણા અને વિદર્ભ ક્ષેત્રોમાં 30 થી 40 kmphની ઝડપે પવન ફૂંકાશે.

આ તસવીર શેર કરો

5/5

5. દરિયાઈ અને તટીય વિસ્તારો માટે માછીમારોને ચેતવણી

દરિયામાં સર્જાનારા ચક્રવાતી પવનોને ધ્યાનમાં રાખીને માછીમારોને દરિયો ન ખેડવા સૂચના અપાઈ છે. ઉત્તરી સોમાલિયા અને અરબી સમુદ્રમાં 45 થી 55 kmph અને મહત્તમ 65 kmph સુધીની ઝડપે પવન ફૂંકાઈ શકે છે. અંદમાન સાગર અને બંગાળની ખાડીમાં પણ હવામાન ખરાબ રહેશે, જ્યાં પવનની ગતિ 40 થી 60 kmph રહેવાની શક્યતા છે.

આ તસવીર શેર કરો

સંકળાયેલા મુદ્દાઓ

WeatherUpdate IMDAlert HeavyRainfall