હેલ્થ / આમળા અને એવાકાડો, બંનેમાંથી કયુ હેલ્થ માટે સૌથી બેસ્ટ? જુઓ ફાયદા

આજ કાલ સોશિયલ મીડિયા પર એવાકાડોની ખુબ ચર્ચા છે. ક્યારેક ટોસ્ટ પર તો ક્યારેય સલાડ તરીકે. આ વિદેશી ફળ આજના હેલ્થ ટ્રેન્ડનો મહત્વનો ભાગ બની ગયું છે. પણ શું તમે જાણો છો કે આપણા દેશના આમળા પણ કોઈ સુપરફુડથી ઓછા નથી. હેલ્થ એક્સપર્ટના કહ્યા પ્રમાણે જો આંબળાને એવાકાડો જેટલું મહત્વ આપવામાં આવે તો ભારત હેલ્ધી જ નહીં પણ સુપ હેલ્ધી દેશ બની જશે.

આંબળાના ફાયદા

એક્સપર્ટના જણાવ્યા પ્રમાણે આંબળા ડાયાબિટીસના દર્દીઓ માટે ફાયદાકારક છે. રોજ આંબળા ખાવાથી બ્લડ શુગર લેવલ કંટ્રોલમાં રહે છે. તેમાં રહેલ પોલીફિનોલ્સ કેન્સરના જોખમને ઓછું કરે છે. આ ઉપરાંત આંબળા સ્કીન અને વાળ માટે પણ નેચરલ બ્યુટી ટોનિકની જેમ કામ કરે છે. જે કરચલીને ઓછી કરે છે અને વાળને ચમકદાર બનાવે છે.

આંબળામાં રહેલું એન્ટીઓક્ટિડેન્ટ્સ કોલેસ્ટ્રોલને ઓક્સીડાઈઝ થતું અટકાવે છે જેનાથી ધમની સાફ રહે છે અને બ્લડ પ્રેશર પણ કંટ્રોલમાં રહે છે. એક આંબળુ આખા દિવસની વિટામીન સીની જરૂર ની પુરી કરી શકે છે. આ ઉપરાંત તે શરીરને ઈન્ફેક્શનથી બચાવે છે અને ઈમ્યુનિટી વધારે છે.

એવાકાડોના ફાયદા

એવોકાડોમાં હાજર મોનોઅનસેચ્યુરેટેડ ફેટી એસિડ્સ (MUFA) હૃદયના સ્વાસ્થ્ય માટે ખૂબ જ ફાયદાકારક છે. આ એસિડ્સ ખરાબ કોલેસ્ટ્રોલ (LDL) ઘટાડે છે અને સારા કોલેસ્ટ્રોલ (HDL)માં વધારો કરે છે, જેનાથી હૃદયરોગનું જોખમ ઓછું થાય છે.એવોકાડોમાં ફાઈબરનું પ્રમાણ વધુ હોય છે, જે તમને લાંબા સમય સુધી પેટ ભરેલું અનુભવે છે. તેનાથી ભૂખ ઓછી લાગે છે અને તમે ઓછું ખાઓ છો, જે વજન ઘટાડવામાં મદદ કરે છે. આ સિવાય એવોકાડોમાં હાજર હેલ્ધી ફેટ્સ પણ મેટાબોલિઝમ વધારવામાં મદદ કરી શકે છે.

આંબળા અને એવાકાડોમાંથી કયું બેસ્ટ છે

બન્નેના અલગ અલગ ફાયદા છે. એવાકાડો હાર્ટ અને પાચન માટે સારું છે. આંબળા એન્ટીઓક્સિડેન્ટ્સથી ભરપૂર છે જે સ્કીન અને ઈમ્યુનિટીને મજબૂત કરે છે.

આ પણ વાંચોઃ શરીરમાં આ સંકેતો દેખાય તો સમજો તમે બની ગયા ડાયાબિટીસના શિકાર

જો તમારે હાર્ટ હેલ્ધને સારી કરવી છે તો એવાકાડો લો પણ યોગ્ય માત્રામાં કારણ કે તેમાં ફેટ વધારે હોય છે. જો તમારે ઈમ્યુનિટી અને બ્યુટી બન્ને જોઈએ છે તો આંબળાનું સેવન કરો.

(DISCLAIMER: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ