અમદાવાદ / નવરાત્રિમાં રાતના 12 વાગ્યા બાદ પણ મેટ્રો દોડશે, ટાઇમિંગ જાણીને ખુશ થઇ જશો

નવરાત્રિના તહેવારને ધ્યાનમાં રાખીને અમદાવાદ મેટ્રો દ્વારા દર વર્ષે સમય લંબાવવામાં આવે છે. ત્યારે આ વર્ષે પણ અમદાવાદીઓની સુવિધા માટે મેટ્રોએ સેવાઓનો સમય લંબાવ્યો છે. જેના કારણે હવે તમે મોડી રાત્રિ સુધી ગરબાની મજા માણી શકો છો અને સરળતાથી ઘરે પહોંચી શકો છો.

જોવો ટાઇમ ટેબલ

જેમાં વસ્ત્રાલથી થલતેજ ગામ માટે રાત્રે 10 થી 2 વાગ્યા સુધી દરેક ટર્મિનલ સ્ટેશનથી દર 30 મિનિટે મેટ્રોનું સંચાલન કરવામાં આવશે. કોટેશ્વર રોડ થી એપીએમસી માટે રાત્રિ 10 થી 2 વાગ્યા સુધી દરેક ટર્મિનલ સ્ટેશનથી દર 30 મિનિટે મેટ્રોનું સંચાલન કરવામાં આવશે. આ ઉપરાંત મોટેરા સ્ટેડિયમથી ગાંધીનગર સેક્ટર 1 સુધી રાત્રિના 10 થી રાત્રિના 10 વાગે, 11 વાગે, 12 વાગે, 1 વાગે અને છેલ્લી મેટ્રો 2 વાગે ઉપડશે.

આ પણ વાંચો : Video: રંગમાં પડ્યો ભંગ, વડોદરામાં ગરબે ઘૂમતા ખેલૈયાઓની વચ્ચે સાપે એન્ટ્રી મારતા અફરાતફરી

ખાસ ટિકિટની વ્યવસ્થા

લંબાયેલા સમય દરમિયાન મુસાફરી કરવા માટે, રૂપિયા 50ની સ્પેશિયલ પેપર ટિકિટ જ માન્ય રહેશે. આ ટિકિટ તમામ મેટ્રો સ્ટેશનો પરથી ખરીદી શકાશે અને તે માત્ર એક જ મુસાફરી માટે ઉપયોગમાં લઈ શકાશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ