નવરાત્રિ 2025 / Video: રંગમાં પડ્યો ભંગ, વડોદરામાં ગરબે ઘૂમતા ખેલૈયાઓની વચ્ચે સાપે એન્ટ્રી મારતા અફરાતફરી

Snake on Navratri Ground: નવરાત્રિના પાવન પર્વ પર ગુજરાતભરમાં ખેલૈયાઓ ગરબા રમીને માતાજીની આરાધના કરતા જોવા મળે છે. ઢોલ-નગારા અને ખેલૈયાઓની ઉલ્લાસભરી રમઝટ વચ્ચે આનંદના માહોલમાં ક્યારેક અચાનક જ કોઈ અણધારી ઘટના બની જાય તો? ગરબા રમતા ખેલૈયાના રંગમાં ભંગ પડી જાય. આવું જ બન્યું વડોદરાના સેવાસી વિસ્તારમાં.

ગરબાનું ગ્રાઉન્ડ બન્યું ભયનું મેદાન

અહીં શિશુ સાંસ્કૃતિક ગરબા દરમિયાન અચાનક એક સાપ નીકળતાં ખેલૈયાઓમાં અને ગરબા જોવા આવેલા લોકોમાં ભયનો માહોલ જોવા મળ્યો હતો. મળતી માહિતી માહિતી મુજબ, સેવાસીના શિશુ સાંસ્કૃતિક ગરબા ગ્રાઉન્ડમાં મંગળવારની રાતે જ્યારે ખેલૈયાઓ ગરબે ઘૂમી રહ્યા હતા, ત્યારે અચાનક ગરબા ગ્રાઉન્ડ પર એક ઝેરી સાપ દેખાયો. અચાનક જ સાપ દેખાતા ખેલૈયાઓ અને પ્રેક્ષકોમાં ભયનો માહોલ ફેલાઈ ગયો.

આ પણ વાંચો: CMની અધ્યક્ષતામાં આજે કેબિનેટ બેઠક, અનાજ વિતરણથી લઇને.., જાણો કયા મુદ્દાઓ ચર્ચાશે

સાપનું રેસ્ક્યુ થતાં લોકોએ લીધો રાહતનો શ્વાસ

ગરબાના મેદાન પર અચાનક જ સાપ દેખાયા પછી થોડીવાર માટે ગરબા અટકાવી દેવામાં આવ્યા અને તાત્કાલિક સાપનું રેસ્ક્યુ શરૂ કરવામાં આવ્યું. ભારે જહેમત બાદ સાપનું રેસ્ક્યુ થતા લોકોએ રાહતનો શ્વાસ લીધો હતો. આનો એક વીડિયો પણ સામે આવ્યો છે, જેમાં દેખાઈ રહ્યું છે કે ગરબાના મેદાન પર અચાનક જ સાપ જોવા મળ્યો. સાપને જોતાની સાથે જ નજીકમાં ગરબા રમી રહેલી યુવતીઓ ડરી જાય છે અને ગરબા રમતા અટકી જાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ