વડોદરા / NH-48 પર ફરી એક ગંભીર અકસ્માત, લક્ઝરી બસના ડ્રાઈવરનું મોત

વડોદરા જિલ્લામાં નેશનલ હાઈવે–48 પર સતત બીજા દિવસે ગંભીર અકસ્માત સર્જાયો છે. કરજણ તાલુકાના બામણ ગામ નજીક અમરેલીથી સુરત જઈ રહેલી લક્ઝરી બસ આગળ જઈ રહેલા ટ્રકમાં ઘૂસી જતા ભયાનક અકસ્માત થયો હતો. અકસ્માતમાં બસના ડ્રાઈવરનું સ્થળ પર જ કરુણ મોત નિપજ્યું હતું.

હાઈવે પર ટ્રાફિક જામની સ્થિતિ સર્જાઈ

અકસ્માત દરમિયાન બસમાં સવાર ચાર મુસાફરોને ગંભીર ઇજાઓ પહોંચી હતી. તમામ ઘાયલોને તાત્કાલિક નજીકની હોસ્પિટલમાં ખસેડવામાં આવ્યા છે, જ્યાં તેમની હાલત ગંભીર હોવાનું જાણવા મળ્યું છે. અકસ્માતના પગલે હાઈવે પર ટ્રાફિકજામની સ્થિતિ સર્જાઈ હતી.

પોલીસે ગુનો નોંધ્યો

ઘટનાની જાણ થતાં જ કરજણ પોલીસ અને નેશનલ હાઈવે ઓથોરિટી ઓફ ઇન્ડિયાની ટીમ તાત્કાલિક ઘટનાસ્થળે પહોંચી ગઈ હતી. પોલીસે અકસ્માત અંગે તપાસ શરૂ કરી છે અને ટ્રાફિક વ્યવસ્થાને પુનઃસુચારુ બનાવવા માટે કામગીરી હાથ ધરાઈ હતી.

આ પણ વાંચોઃ માઉન્ટ આબુ અને આસપાસના વિસ્તારોમાં ભૂકંપના હળવા આંચકા, લોકોમાં થોડી અફરાતફરી

ઉલ્લેખનીય છે કે NH-48 પર સતત અકસ્માતોની ઘટનાઓ વધી રહી હોવાને કારણે વાહનચાલકોમાં ભયનો માહોલ સર્જાયો છે. સ્થાનિક લોકો દ્વારા હાઈવે પર સલામતીના પૂરતા પગલાં લેવાય તેવી માંગ ઉઠી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ