છેલ્લા 20 વર્ષના અનુભવ અને અભ્યાસના આધારે ખેડૂતોની સમસ્યા અને લાગણીને ઊંડાણપૂર્વક સમજી ખેડૂતોને કૃષિ માહિતી અને તાલીમ આપવા એક નવી પહેલ શરૂ કરવામાં આવી છે
ખેડૂતોને કૃષિ માહિતી, તાલીમ આપવા એક નવી પહેલ શરૂ કરાઈ
સરળ ભાષામાં ખેડૂતોને ખ્યાલ આવે એ રીતે તાલીમ
ખેતીને સમૃદ્ધ બનાવી આર્થિક રીતે પગભર કરવાનો પ્રયાસ
ખેડૂત અને સમસ્યા એક બીજાના પર્યાય છે. ક્યારેક કુદરતનો માર સહન કરી જગતનો તાત જીવ બાળી રહ્યો છે તો ક્યારેક પોષણક્ષમ ભાવ ન મળતા બિચારો બાપડો બની ગયો છે. ત્યારે ખેતીને વધુને વધુ સમૃદ્ધ બનાવી ખેડૂતોની આવક ડબલ કરવા માટે, છેલ્લા 20 વર્ષના અનુભવ અને અભ્યાસના આધારે ખેડૂતોની સમસ્યા અને લાગણીને ઊંડાણપૂર્વક સમજી ખેડૂતોને કૃષિ માહિતી અને તાલીમ આપવા એક નવી પહેલ શરૂ કરવામાં આવી છે.
ખેડૂતોની મુખ્ય સમસ્યાઓ જેવી કે ખેડ, ખાતર, પિયત, રોગ- જીવાત બાબતોની સાચી અને સચોટ કૃષિ માહિતી તેમજ ખેતીમાં કઈ રીતે ડિજિટલ ટેક્નૉલૉજીનો ઉપયોગ કરી શકાય તેનું ખાસ ધ્યાન રાખવામાં આવ્યું છે. તેમજ ઝીણવટભરી રીતે સરળ ભાષામાં ખેડૂતોને ખ્યાલ આવે એ રીતે તાલીમ આપી ખેડૂતો સાથે ખેતીને સમૃદ્ધ બનાવી આર્થિક રીતે પગભર કરવાનો પ્રયાસ શરૂ થઈ ગયો છે.
ખેડૂત તાલીમ આપવા માટે માર્ગદર્શન…
-સૌ પ્રથમ એગ્રીબોન્ડ વેબસાઈટ / એપ પર આપેલ માહિતી પુસ્તિકા ડાઉનલોડ કરો પછી વાંચીને અભ્યાસ કરવો.
-Youtube પર કૃષિ નિષ્ણાત દ્વારા આપેલ ખેડૂત તાલીમના ( ખેતીના નવરત્નો ) દરેક વીડીયો જોઈને પણ અભ્યાસ કરવો.
-અભ્યાસ કરીને પરીક્ષામાં આપેલ પ્રશ્નનો સાચો જવાબ ક્લીક કરીને આપો.
-દરેક પ્રશ્નોના જવાબ આપીને સબમીટ બટન ક્લિક કરીને તરત જ આપને પરિણામ સ્વરુપે મળેલ સર્ટિફિકેટ ડાઉનલોડ કરીને રાખવુ તેમજ આપના પરિચયમાં શેર કરીને ખેડૂત તાલીમ વિશે જાણ કરવી.
કૃષિ નિષ્ણાતોના માર્ગદર્શન હેઠળ ડીજીટલ કૃષિ તાલીમ દ્વારા ઓનલાઈન પરીક્ષા લઈને સર્ટિફિકેટ તેમજ લક્કી વિજેતાને દર મહિને સોનાનો સિક્કો તેમજ પ્રોત્સાહિત ઈનામો પણ આપવામાં આવે છે.