જાણવા જેવું / જનગણના કરાવનાર 30 લાખ કર્મચારીઓને મળશે અલગથી પગાર, શું BLOની માફક આમને પણ મળે છે પૈસા?

આગામી 2027ની વસ્તી ગણતરી માટે કેન્દ્ર સરકારે 11,718 કરોડ રૂપિયાના બજેટને મંજૂરી આપી છે. આ ભારતની પ્રથમ ડિજિટલ વસ્તી ગણતરી હશે. જેના માટે આશરે 30 લાખ સરકારી કર્મચારીઓ તૈનાત કરવામાં આવશે. એવામાં લોકોને સવાલ છે કે, શું કેન્દ્ર સરકાર આ કર્મચારીઓને અલગથી પગાર આપશે? શું તેમને બૂથ લેવલના અધિકારીઓ જેટલો જ પગાર મળશે? ચાલો તે વિશે જાણીએ.

• વસ્તી ગણતરી માટે અલગ પગાર?
  

કેન્દ્ર સરકાર 30 લાખ વસ્તી ગણતરી કર્મચારીઓને અલગ પગાર આપતી નથી. વસ્તી ગણતરીની કામગીરીને હાલના સરકારી કર્મચારીઓ માટે વધારાની જવાબદારી ગણવામાં આવે છે. જેમાં શિક્ષકો, મહેસૂલ કર્મચારીઓ, આંગણવાડી કાર્યકરો, કારકુનો અને રાજ્ય અથવા કેન્દ્ર સરકારના બીજા  અધિકારીઓને સામાન્ય રીતે એન્યુમેટર કે સુપરવાઇઝર તરીકે નિયુક્ત કરવામાં આવે છે.

આ  કર્મચારીઓને તેમના સંબંધિત વિભાગોમાંથી તેમનો નિયમિત માસિક પગાર મળે છે. વસ્તી ગણતરીની કામગીરીને તેમની સત્તાવાર સેવા ફરજોનો ભાગ ગણવામાં આવે છે. આથી જ આ કામચલાઉ કામગીરી માટે કોઈ વધારાનો પગાર ચૂકવવામાં નથી આવતો.

• માનદ અને ભથ્થાં
  વસ્તી ગણતરી કર્મચારીઓને માનદ વેતન ચુકવવામાં આવે છે પરંતુ આ કોઈ અલગ પગાર નથી. આ માનદ વેતન કામગીરી પૂર્ણ થયા બાદ એક સાથે ચૂકવવામાં આવે છે. જેમાં જવાબદારીઓ, કાર્યભાર, ડિજિટલ ડેટા હેન્ડલિંગ અને દેખરેખ ફરજોના આધારે આ રકમ બદલાય છે. અગાઉના વસ્તી ગણતરીની સાયકલ દર્શાવે છે કે માનદ વેતન સામાન્ય રીતે 6,000 થી 10,000 રૂપિયા સુધીનું હોય છે.

વધુ વાંચો : FASTag યુઝર્સને ઝટકો, KYV વેરિફિકેશન નહીં કરાવવા પર થશે આ નુકશાન

• બૂથ લેવલ અધિકારીઓ કેમ અલગ?
  

બૂથ લેવલ અધિકારીઓ ભારતીય ચૂંટણી પંચ હેઠળ આવે છે, વસ્તી ગણતરી મશીનરી હેઠળ નહીં. આથી તેમની કામગીરી આખું વર્ષ ચાલુ રહે છે. જેમાં મતદાર યાદીઓ અપડેટ કરવી, મતદારોની વિગતો ચકાસવી અને ફિલ્ડ ચેકિંગનો સમાવેશ થાય છે. આ જવાબદારીઓ સતત ચાલુ રહે છે જેમાં બૂથ લેવલ અધિકારીઓને ચૂંટણી સંબંધિત કામગીરી માટે અલગ મહેનતાણું મળે છે. આ બૂથ લેવલ અધિકારીને વસ્તી ગણતરીના કામગીરી માટે ફક્ત ત્યારે જ પૈસા ચૂકવણી કરવામાં આવે છે જ્યારે તે વસ્તી ગણતરી એન્યુમેટર તરીકે કામ કરે છે એટલા માટે નહીં કે તે બૂથ લેવલ અધિકારી છે .

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ