ન્યૂઝ અપડેટ્સ

logo

VTV / વિશ્વ / હવે અહીં પણ પેટ્રોલથી ચાલતા ટુ વ્હીલરો પર મૂકાશે પ્રતિબંધ, આ તારીખથી નિર્ણય લાગુ

ખળભળાટ / હવે અહીં પણ પેટ્રોલથી ચાલતા ટુ વ્હીલરો પર મૂકાશે પ્રતિબંધ, આ તારીખથી નિર્ણય લાગુ

Published By: Shilpa Parmar

Last Updated: 02:06 PM, 1 September 2025

logo

FOLLOW ON

logo

શેર કરો

logo logo logo
article-logo

એશિયાના એક મોટા દેશમાં પેટ્રોલ ટુ વ્હીલર પર પ્રતિબંધ મૂકવાનો નિર્ણય લેવાયો છે. સરકારે સ્પષ્ટ કર્યું છે કે 1 જુલાઈ 2026 પછી કોઈ પણ પેટ્રોલ ટુ વ્હીલર નહીં દોડે. તેની જગ્યાએ ઇલેક્ટ્રિક સ્કૂટરોને પ્રાથમિકતા આપવામાં આવશે. જાણો કયા કયા દેશમાં લાગુ થશે આ નિયમ?

ADVERTISEMENT

એશિયાના એક મોટાં દેશ એવા વિયેતનામના અનેક મોટા શહેરોમાં દિલ્હી કરતાં પણ વધુ ગંભીર વાયુ પ્રદૂષણના કિસ્સા સામે આવ્યા છે. હવામાન એટલું ખરાબ છે કે લોકોને દરરોજ સવારમાં ધુમ્મસનો સામનો કરવો પડે છે. આ પ્રદૂષણની સૌથી વધારે અસર રાજધાની હનોઈ અને સૌથી મોટાં શહેર હો ચી મિન્હમાં જોવા મળી રહી છે.

આવા સંજોગોમાં સરકારે હનોઈમાં પેટ્રોલ ટુ વ્હીલર પર પ્રતિબંધ મૂકવાનો નિર્ણય કર્યો છે. હનોઈના રસ્તા પર દરરોજ લગભગ 70 લાખથી વધુ પેટ્રોલ ટુ વ્હીલર ચાલતા જોવા મળે છે. સરકારનું માનવું છે કે પેટ્રોલ ટુ વ્હીલર જ હનોઈને સૌથી વધારે પ્રદૂષિત કરવામાં મુખ્ય કારણ છે.

ban-on-petrol-scooter

કયારથી પેટ્રોલ ટુ વ્હીલર પર થશે પ્રતિબંધ?

વિયેતનામના અધિકારીઓએ નક્કી કર્યું છે કે 1 જુલાઈ 2026થી હનોઈના રિંગ રોડ 1ની અંદર પેટ્રોલ મોટરસાયકલ્સ દોડશે નહીં. જુલાઈમાં પ્રધાનમંત્રી ફામ મિન્હ ચિન્હે નિર્દેશ-20 જાહેર કર્યો હતો, જેના આધારે આ નિયમ લાગુ થશે. કેટલાક નાગરિકોએ સરકારના આ પગલાને સમર્થન આપ્યું છે, તો કેટલાક લોકો તેનો કડક વિરોધ પણ કરી રહ્યા છે. લોકોનું કહેવું છે કે પેટ્રોલ ટુ વ્હીલર એમના માટે સૌથી સસ્તું અને અનુકૂળ વાહન છે.

લોકોનો વિરોધ

ઘણા નિષ્ણાતો પણ આ નિર્ણય પર પ્રશ્નો ઉઠાવી રહ્યા છે. એમનું માનવું છે કે આ પ્રતિબંધને આટલા ઓછા સમયમાં અમલમાં મૂકવો યોગ્ય નથી. કારણ કે રાજધાની હનોઈમાં જાહેર પરિવહન સુવિધાઓ ખૂબ જ સીમિત છે. જો ઇલેક્ટ્રિક વ્હીકલને વધારાની તક આપવામાં આવશે તો પૂરતા ચાર્જિંગ સ્ટેશન ઉપલબ્ધ નથી.

દેશનું વીજળી ગ્રિડ પણ નબળું છે, એટલે કે જો ચાર્જિંગ સ્ટેશનો ઉભા પણ થાય તો વીજળી પૂરી પાડવી મુશ્કેલ રહેશે. નિષ્ણાતોનું માનવું છે કે આ કારણે પરિસ્થિતિ કાબૂ બહાર થઈ શકે છે અને જાહેર પરિવહન વ્યવસ્થા તૂટી પડે તેવી શક્યતા છે.

ban-on-petrol-whical-in-vietnam

ઉદ્યોગ જૂથને થશે ફાયદો

ઘણા લોકોને ભય છે કે આ બદલાવથી સૌથી મોટો ઝાટકો હનોઈના ગરીબ નાગરિકોને થશે. લોકોનું કહેવું છે કે સરકાર આ નિર્ણયથી દેશના સૌથી મોટા ઉદ્યોગ જૂથ વિનગ્રુપ અને તેના ઇલેક્ટ્રિક વાહન યુનિટ વિનફાસ્ટને મજબૂત કરવા માંગે છે. ઘણા લોકો માને છે કે પર્યાવરણ સંરક્ષણનું બહાનું લઈને સરકાર ઉદ્યોગ જૂથને ફાયદો પહોંચાડવા માંગે છે.

વધુ વાંચો: 250થી વધારે મોત, 500થી વધુ ઘાયલ, 6.3ની તીવ્રતાના ભૂકંપથી ધ્રૂજી ઉઠી આ દેશની ધરા

વિયેતનામમાં ગંભીર વાયુ પ્રદૂષણ

હાલમાં અધિકારીઓ હો ચી મિન્હ શહેરમાં પણ આવા જ પ્રતિબંધ લાદવાનો વિચાર કરી રહ્યા છે. પરિવહન મંત્રાલયે 2030 સુધીમાં દેશભરમાં 30 ટકા કાર અને 22 ટકા ટુ વ્હીલરને ઇલેક્ટ્રિક વાહનોમાં ફેરવવાનો ટાર્ગેટ રાખ્યો છે. વાસ્તવમાં વિયેતનામમાં વાયુ પ્રદૂષણ એક ગંભીર સમસ્યા બની ગયું છે. WHO અનુસાર, પ્રદૂષણના કારણે દર વર્ષે લગભગ 70,000 લોકોનાં મોત થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Ban on petrol two-wheelers Vehicle pollution in Vietnam Electric scooter

Published by

Shilpa Parmar

Shilpa Parmar is working as a Jr. Sub Editor at VTV Gujarati.

background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

સૌથી વધુ વંચાયેલું

ADVERTISEMENT

ADVERTISEMENT

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ