નીતિ / ટ્રમ્પની નીતિએ આંતરરાષ્ટ્રીય વિદ્યાર્થીઓની મુશ્કેલીઓ વધારી, અમેરિકામાં કોલેજ જવું મુશ્કેલ બન્યું

અમેરિકામાં ટ્રમ્પ સરકાર દ્વારા લાગેલા ટ્રાવેલ બેન પછી હવે અમેરિકામાં ભણવા માંગતા ઘણા વિદ્યાર્થીઓ યુરોપ તરફ જાય તેવી શક્યતા છે. તો હજુ પણ ઘણા સ્ટુડન્ટ્સ પ્રતિબંધ હટાવવાની રાહ જોઈ રહ્યા છે. ખાસ કરીને અફઘાનિસ્તાનની તાલિબાન વિસ્તારની વિદ્યાથીઓના યુએસમાં ભણવાના સપના તૂટયા છે.

અફઘાનિસ્તાનના વિદ્યાર્થીનું દર્દ છલકાયું

અફઘાનિસ્તાનની એક વિદ્યાર્થીના જણાવ્યા મુજબ વર્ષો સુધી દરરોજ આઠ કલાક અંગ્રેજીનો અભ્યાસ કરતી હતી અને અંતે તેને બિઝનેસ એડમિનિસ્ટ્રેશનનો અભ્યાસ કરવા માટે ઇલિનોઇસની એક ખાનગી લિબરલ આર્ટ્સ કોલેજમાં પ્રવેશ મળ્યો. તે આ વર્ષે યુએસ આવવાનું વિચારી રહી હતી પરંતુ રાષ્ટ્રપતિ ડોનાલ્ડ ટ્રમ્પની મુસાફરી પ્રતિબંધ નીતિને કારણે આ વખતે તેના સપના ચકનાચૂર થઈ ગયા. સાઘરીએ કહ્યું "તમે વિચારો છો કે હવે તમે તમારા સ્વપ્ન તરફ આગળ વધી રહ્યા છો અને પછી અચાનક કંઈક થાય છે અને બધું જ ખતમ થઈ જાય છે."

ટ્રમ્પે 19 દેશોના નાગરિકો પર ટ્રાવેલ લગાવ્યો

ટ્રમ્પ વહીવટીતંત્ર દ્વારા લાદવામાં આવેલા ટ્રાવેલ બેન અને 19 દેશોના નાગરિકો પર લાદવામાં આવેલા પ્રતિબંધોથી હજારો વિદ્યાર્થીઓ પ્રભાવિત થયા છે. તેમાંથી ઘણાએ અમેરિકા આવવા માટે સખત મહેનત કરી હતી અને વર્ષોથી પૈસા ખર્ચ્યા હતા. પરંતુ હવે તેઓ લાચાર અનુભવી રહ્યા છે. હજારો વિદ્યાર્થીઓનું ઉચ્ચ શિક્ષણ મેળવવાનું સ્વપ્ન હવે ચકનાચૂર થઈ ગયું છે.

વિઝામાં વિલંબ પણ એક અવરોધ

અમેરિકન કોલેજોમાં સ્વીકારાયેલા ઘણા આંતરરાષ્ટ્રીય વિદ્યાર્થીઓ પ્રવેશ મેળવી શક્યા નહીં. કેટલાક વિઝા અરજી પ્રક્રિયાઓમાં અટવાઈ ગયા છે. જેને આ ઉનાળામાં ટ્રમ્પ વહીવટીતંત્ર દ્વારા વધુ જટિલ બનાવવામાં આવી હતી. કેટલાક વિદ્યાર્થીઓ યુએસ ઇમિગ્રેશન નીતિઓથી હતાશ થઈને ન આવવાનો નિર્ણય કર્યો કારણ કે તેમનો કાનૂની દરજ્જો અચાનક રદ કરવામાં આવ્યો હતો.

સ્ટુડન્ટ્સની મુશ્કેલીમાં વધારો

ગયા વર્ષે મે અને સપ્ટેમ્બર વચ્ચે યુએસ સ્ટેટ ડિપાર્ટમેન્ટે મુસાફરી પ્રતિબંધ ધરાવતા 19 દેશોના નાગરિકોને 5700 થી વધુ F-1 અને J-1 વિઝા જારી કર્યા હતા. આ વિઝામાંથી અડધાથી વધુ ઈરાન અને મ્યાનમારના નાગરિકોને આપવામાં આવ્યા હતા. જે વિદ્યાર્થીઓની મુસાફરી પર પ્રતિબંધ મૂકવામાં આવ્યો હતો તેઓ સૌથી વધુ મુશ્કેલીમાં છે.

હજુ પણ અમેરિકા વિદ્યાર્થીઓની પહેલી પસંદગી છે

ઈરાનની 17 વર્ષની વિદ્યાર્થી પૌયા કરામીનું ધ્યાન સંપૂર્ણપણે અમેરિકા પર છે. તે કેન્સાસની પિટ્સબર્ગ સ્ટેટ યુનિવર્સિટીમાં પોલિમર કેમિસ્ટ્રીનો અભ્યાસ શરૂ કરવાનો હતો, પરંતુ મુસાફરી પ્રતિબંધને કારણે તેણે પોતાની યોજનાઓ મુલતવી રાખવી પડી. કરામીએ પોતાનો પ્રવેશ આગામી વર્ષ સુધી મુલતવી રાખ્યું છે. તેણે કહ્યું કે "હું દરેક પ્રયાસ કરી રહી છું."

વધુ વાંચો: ગજબ! છોકરો તેના મરેલા પિતા સાથે વાતો કરે છે, તેણે જે ટેકનીક વાપરી તે જાણીને ધબકારા ચૂકી જશો

12 દેશો પર સંપૂર્ણ પ્રતિબંધ

આ મુસાફરી પ્રતિબંધ આફ્રિકા, એશિયા, મધ્ય પૂર્વ અને કેરેબિયનના 12 દેશોના નાગરિકોને યુનાઇટેડ સ્ટેટ્સ માટે નવા વિઝા મેળવવાથી રોકે છે. કેટલીક મુક્તિઓમાં ગ્રીન કાર્ડ ધારકો, બેવડા નાગરિકતા ધરાવતા લોકો અને કેટલાક રમતવીરોનો સમાવેશ થાય છે, પરંતુ સાત અન્ય દેશો કડક પ્રતિબંધોને આધીન છે જે વિદ્યાર્થી વિઝાને પણ અસર કરે છે. ટ્રમ્પે જૂનમાં "વિઝા ઓવરસ્ટે" અને "રાષ્ટ્રીય સુરક્ષા" નો ઉલ્લેખ કરીને પ્રતિબંધ લાદ્યો હતો. તેમનું કહેવું છે કે આ દેશોમાં સ્ક્રીનીંગ પ્રક્રિયાઓ નબળી છે અને જ્યાં સુધી તે સુધારાઈ ન જાય ત્યાં સુધી પ્રતિબંધ યથાવત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ