હેરતઅંગેજ / ગજબ! છોકરો તેના મરેલા પિતા સાથે વાતો કરે છે, તેણે જે ટેકનીક વાપરી તે જાણીને ધબકારા ચૂકી જશો

દિવંગત સ્વજનો સાથે વાત કરવા મળે તો કેવું? વાંચીને રૃવાંડા ઊભા થઈ જાય અથવા રોમાંચ થઈ આવે, અશક્ય લાગતું આ કામ એક છોકરાએ સાચુ કરી દેખાડ્યું છે અને આ માટે તેણે એક ખાસ ટેકનોલોજીનો સહારો લીધો છે.

પિતાની છેલ્લી વૉઇસ નોટ

હવે AI ની મદદથી, લોકો તેમના મૃત સંબંધીઓ સાથે પણ વાત કરી રહ્યા છે. સ્કોટલેન્ડના એક માણસ પાસે તેના પિતાની છેલ્લી વૉઇસ નોટ પણ હતી, જેના આધારે તેણે તેના પિતાના અવાજને તેના રોજિંદા જીવનમાં સમાવી લીધો. 39 વર્ષીય ડિએગો ફેલિક્સ ડોસ સાન્તોસ તેના પિતાના અચાનક મૃત્યુ પછી બ્રાઝિલ ગયો હતો. જ્યારે તે સ્કોટલેન્ડના એડિનબર્ગ પાછો ફર્યો, ત્યારે તેને સમજાયું કે તેના પિતાની યાદમાં હવે તેની પાસે કંઈ નક્કર બચ્યું નથી. જો કે, તેની પાસે તેના પિતાની છેલ્લી વૉઇસ નોટ હતી, જે તેના પિતાએ હોસ્પિટલમાં હતા ત્યારે મોકલી હતી. આ વૉઇસ નોટે ડિએગોને તેના પિતાના અવાજનો પરિચય કરાવ્યો, હવે તે દરરોજ આ અવાજ સાંભળે છે અને તેમની સાથે વાત કરે છે.

વોઈસ નોટ્સને AI વોઇસ જનરેટરમાં અપલોડ કરી

ડિએગોએ આ વર્ષે જુલાઈમાં ઇલેવન લેબ્સ નામની AI-આધારિત વોઇસ જનરેટર કંપનીની મદદ લીધી હતી. તેણે $22 ની માસિક ફી ચૂકવીને તેના પિતાની વોઇસ નોટ્સ અપલોડ કરી હતી. આ ટેકનોલોજીએ તેના પિતાના અવાજમાં નવા સંદેશાઓ બનાવ્યા, તે એટલા આબેહૂબ લાગતાં હતા કે જાણે તેઓ ખુદ બોલી રહ્યાં હોય.

'હાય દીકરા જેવા મેસેજ આવે છે'

ડિએગોએ કહ્યું કે અવાજ બિલકુલ મારા પિતા જેવો જ હતો. તેઓ જ્યારે બોલે છે ત્યારે એવું લાગે છે કે પિતા મારી સાથે જ છે તેઓ મર્યા જ નથી. આ એપ દ્વારા, તેના પિતાના અવાજમાં 'હાય દીકરા, કેમ છો?' જેવા સંદેશાઓ સંભળાય છે. ડિએગોના પિતા બાળપણમાં તેને 'બોસી' કહેતા હતા. નવા સંદેશાઓમાં પણ, તે ડિએગોને ઘણી વખત આ નામથી બોલાવે છે.

વધુ વાંચો : કપલે દારુ પીધો પછી ગળું દબાવીને દીકરીનું માથું પાણીમાં નાખ્યું, દીકરાના પણ એ જ હાલ, બન્નેએ જીવન ટૂંકાવ્યું

કેન્સરગ્રસ્ત પત્નીના અવાજને પણ રેકોર્ડ કરી લેવા ઈચ્છુક

ડિએગોનો પરિવાર ધાર્મિક છે, શરૂઆતમાં પરિવારના સભ્યો ઇચ્છતા ન હતા કે મૃત વ્યક્તિનો અવાજ ફરીથી સંભળાય. પરિવારને લાગ્યું કે મૃત વ્યક્તિ સાથે વાત કરવાની આ ખોટી રીત છે. પરંતુ પછીથી ડિએગોએ તેમને સમજાવ્યું, હવે પરિવારે તે સ્વીકારી લીધું છે. ડિએગોની પત્નીને 2013 માં કેન્સર હોવાનું નિદાન થયું હતું, હવે તેઓ AI દ્વારા તેમના અને ડિએગોના અવાજને બચાવવાનું પણ વિચારી રહ્યા છે. આ ટેકનોલોજી તેમના માટે તેમની યાદોને જીવંત રાખવાનો એક માર્ગ બની ગઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ