વર્લ્ડ / જાપાને અમેરિકાની મુલાકાત રદ્દ કરી દીધી, પીએમ મોદીના પ્રવાસને પગલે નિર્ણય

ટોક્યો–વોશિંગ્ટન વચ્ચે ચાલતી વ્યાપારિક વાતચીતમાં અચાનક વિક્ષેપ સર્જાયો છે. જાપાનના મુખ્ય ટ્રેડ વાટાઘાટકર્તા ર્યોસેઈ અકાઝાવાએ ગુરુવારે પોતાનો અમેરિકાનો નિર્ધારિત પ્રવાસ રદ કરી દીધો. આ નિર્ણયથી બંને દેશો વચ્ચે 550 અબજ ડોલરનો વિશાળ રોકાણ પેકેજ અંતિમ રૂપ લઈ શકશે કે નહીં તે અંગે પ્રશ્નો ઊભા થયા છે. આ ઘટના એવા સમયે બની છે જ્યારે ભારતના વડાપ્રધાન મોદી જાપાનની મુલાકાતે જવાના છે.

પેકેજ પર અટકી વાત

અમેરિકા અને જાપાન વચ્ચે એવી પ્રાથમિક સમજણ થઈ હતી કે અમેરિકા, ટોક્યોમાંથી આવતા કેટલાક આયાતો પરના ટેરિફ 25% થી ઘટાડી 15% કરશે. તેના બદલામાં જાપાન અમેરિકા માં ભારે રોકાણ કરશે. પરંતુ, અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો કે આ રોકાણ અમારા પૈસાનું છે અને તેના 90 ટકા ફાયદાનો હિસ્સો અમેરિકા જ રાખશે. જાપાનીઝ અધિકારીઓએ આ દાવાને નકારી દીધો અને સ્પષ્ટ કર્યું કે આ રોકાણ પરસ્પર લાભ પર આધારિત હોવું જોઈએ.

જાપાનની માંગ

જાપાન સરકારના પ્રવક્તા યોશિમાસા હયાશીએ જણાવ્યું કે હજુ કેટલાક મુદ્દાઓ પર ચર્ચા બાકી છે, જેના કારણે આ પ્રવાસ રદ કરવાનો આવ્યો છે. ખાસ કરીને જાપાન તરફથી અમેરિકાને અપીલ કરવામાં આવી છે કે ઓટો પાર્ટ્સ અને અન્ય પ્રોડક્ટ્સ પર લાગતા ડબલ ટેક્સેશન અને વધારાના ટેરિફ દૂર કરવામાં આવે. જાપાની અધિકારીઓએ સ્પષ્ટ કર્યું છે કે તેઓ ત્યાં સુધી કોઈ સંયુક્ત રોકાણ કરાર જાહેર નહીં કરે, જ્યાં સુધી અમેરિકન રાષ્ટ્રપતિનો આદેશ બદલાઈને વધારાના શુલ્ક દૂર ન થાય.

આ પણ વાંચોઃ બેંગકોંકની યુવતી પાસેથી ઝડપાયો 4,00,00,000નો હાઈબ્રિડ ગાંજો, એ પણ ગુજરાતના જાણીતા એરપોર્ટ પરથી

આ રદબાતલ માત્ર વેપારી મુદ્દો નથી, પરંતુ કૂટનીતિક સ્તરે પણ મહત્વ ધરાવે છે. ખાસ કરીને એવા સમયે, જ્યારે ભારત–જાપાન વચ્ચે આર્થિક સહયોગ મજબૂત કરવાની ચર્ચાઓ થઈ રહી છે. આ વિકાસ પછી હવે સૌની નજર મોદીની જાપાન યાત્રા અને તે દરમિયાન થનારી જાહેરાતો પર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ