સાબરકાંઠા / અંબાજી હાઈવે ઉપર પદયાત્રીઓને હડફેટે લેનાર કાર ચાલક કોણ છે? VTVએ કરી નાખ્યો મોટો ઘટસ્ફોટ

હિંમતનગર-ઈડર હાઈવે પર અંબાજી જતા પદયાત્રીઓને અડફેટે લેનાર આરોપી કાર ચાલકનું નામ ભરત પટેલ છે જે ઇડરના હિંમતપુર ગામનો રહેવાશી છે. VTVની ટીમ પહોંચી આરોપી ભરત પટેલના નિવાસસ્થાન ઇડરના હિંમતપુર ગામે પહોંચી હતી. આરોપી ભરત પટેલની આધારભૂત સુત્રો દ્વારા મળતી માહિતી મુજબ પરિવારમાં એકલતા અને પરિવારમાં અણ બનાવને લઈને પારિવારિક હોવાથી પત્ની પિયર હોવાનું જાણવા મળ્યું છે.

નશાને કારણે પુત્ર વિદેશથી પાછો આવ્યો

એકના એક દીકરો વિદેશમાં રોમાનિયા ખાતે રહેતો હતો જ્યાં તેમને ખોટી આદતને કારણે પરત આવ્યો હતો પુત્ર નશાની આદતમાં હોવાથી વ્યારા ખાતે આવેલા નશામુક્ત કેન્દ્રમાં સારવાર લઈ રહ્યો છે. ભરત પટેલ આલીશાન મહેલમાં રહે છે આર્થિક રીતે સધ્ધર અને ખેતી કરી રહ્યો છે તેમજ પરિવાર અને સમાજમાં કોઈ વ્યવહાર ના હોવાનું જાણવા મળ્યું છે. ખોટી લતો અને વ્યસનને લીધે પરિવાર અને સમાજ સાથે કોઈ સંબંધ ન હતો અને છેલ્લા કેટલાય વર્ષોથી ભરત પટેલ નશો કરતો હોવાનું પણ જાણવા મળ્યું છે.

ગઈ કાલે શું બન્યું હતું?

હિંમતનગર-ઇડર હાઈવે પર કાર ચાલકે અંબાજી જતા પદયાત્રીઓને લીધા અડફેટે લીધા હતા અને 10થી વધુ પદયાત્રીને ટક્કર મારી હતી. આ ઘટના બાદ રોષે ભરાયેલા લોકોએ કારને આગ લગાડીને સળગાવી મૂકી હતી. કાર ચાલકે જાહેરનામાનો પણ ભંગ કર્યો હોવાનું સામે આવ્યું છે.

વધુ વાંચો : વડોદરામાં ફિલ્મ દંગલ જેવી કહાની : અખાડા પહેલવાન પિતાએ મોટી દીકરીને પહેલવાન બનાવી, કુશ્તીમાં ગોલ્ડ મેડલ મેળવ્યો

ટોળાએ કાર સળગાવી મૂકી

પદયાત્રીઓને ટક્કર માર્યા બાદ કાર ચાલક ભાગવાનો પ્રયાસ કરી રહ્યો હતો. આ જોઈને રોષે ભરાયેલા સ્થાનિકો અને ટોળાએ કારને રોકી લીધી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ