8th Pay Commission / શું જૂના પેન્શનરોનું પેન્શન વધશે કે નહીં? REWAએ PM મોદી પાસે લગાવી મદદની ગુહાર

8th Pay Commission: કર્મચારીઓથી લઈને પેન્શનરો સુધી દરેક 8મા પગાર પંચની ભલામણોની રાહ જોઈ રહ્યા છે. દરમિયાન જુના પેન્શનરોને ચિંતા છે કે તેમનું પેન્શન વધશે કે નહીં, જેના માટે તેઓએ પીએમ મોદીને અપીલ કરી છે.

કર્મચારીઓની સાથે પેન્શનરો પણ 8મા પગાર પંચની ભલામણોની આતુરતાથી રાહ જોઈ રહ્યા છે. આ વચ્ચે જૂના પેન્શનરોને પણ ચિંતા છે કે તેમનું પેન્શન વધશે કે નહીં. આ કારણે પેન્શનર્સ સંગઠન REWA (રિટાયર્ડ એમ્પ્લોઈઝ વેલ્ફેર એસોસિએશન) એ આ અંગે પીએમ મોદીને અપીલ કરી છે. સંગઠને પીએમ મોદીને પત્ર લખીને પોતાની માંગણીઓ રજૂ કરી છે.

આ વિનંતી તે પેન્શનરો દ્વારા કરવામાં આવી છે જેઓ 1 જાન્યુઆરી 2026 પહેલા નિવૃત્ત થયા છે. એસોસિએશને નાણા મંત્રાલયને અપીલ કરી છે કે તેઓ 8મી સીપીસીના 'ટર્મ્સ ઑફ રેફરન્સ' (ટીઓઆર)માં સુધારો કરે જેથી આ પેન્શનરો માટે પેન્શન અને ફેમિલી પેન્શનમાં સુધારો કરવાની જોગવાઈઓ સામેલ કરવામાં આવે.

પત્રમાં શું લખ્યું છે?

આ પત્ર REWA દ્વારા 7 સપ્ટેમ્બર 2026 ના લખવામાં આવ્યો હતો, જેમાં તેના જનરલ સેક્રેટરી સાધુ સિંહે 6.9 મિલિયન પેન્શનરો અને તેમના પરિવારો વતી ચિંતા વ્યક્ત કરી હતી. એસોસિએશને કહ્યું કે તેઓને 8મા પગાર પંચમાં સામેલ કરવામાં આવશે કે નહીં તે અંગે તેમને ઘણી મૂંઝવણ છે. એટલે કે તેમનું પેન્શન વધશે કે નહીં.

આ પણ વાંચોઃ Gold Price / શું સોનાના ભાવમાં ફરીથી ભડકો થશે? કિંમતોમાં ઘટાડા વચ્ચે ગ્લોબલ બેંકની ભવિષ્યવાણી

REWA એ ચિંતા વ્યક્ત કરી

નવેમ્બર 2025માં બહાર પાડવામાં આવેલ 8મી સીપીસીના ટીઓઆરનો ઉલ્લેખ કરતા તેમણે લખ્યું કે, ToR ના પોઈન્ટ નંબર 2(e) માં એવું કહેવાય છે કે કમિશન NPS/UPS અને NPSના દાયરાની બહારના કર્મચારીઓ માટે પેન્શન અને મૃત્યુ-કમ-નિવૃત્તિ ગ્રેચ્યુટીના માળખાની સમીક્ષા કરશે. REWA એ એમ પણ કહ્યું કે તે ફક્ત વર્તમાનમાં કામ કરતા કર્મચારીઓના પેન્શનનો ઉલ્લેખ કરે છે અને ભૂતપૂર્વ કર્મચારીઓના પેન્શન અને ફેમિલી પેન્શનમાં ફેરફાર વિશે સ્પષ્ટપણે કશું લખવામાં આવ્યું નથી, એટલે કે તે પેન્શનરો કે જેઓ 1 જાન્યુઆરી 2026 પહેલાં નિવૃત્ત થયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ