ક્રિકેટ / ટીમ ઈન્ડિયાનો આ સ્ટાર ખેલાડી બન્યો CSKનો હેડ કોચ, IPLમાં નિભાવશે મોટી જવાબદારી

આઇપીએલ 2027 પહેલા એક મોટા સમાચાર સામે આવ્યા છે. ચેન્નાઈ સુપર કિંગ્સ (CSK) એ તેના કોચિંગ યુનિટમાં મોટો ફેરફાર કર્યો છે. ચેન્નાઈની સફળતાના લાંબા સમયથી આધારસ્તંભ રહેલા સ્ટીફન ફ્લેમિંગના ગયા બાદ, ટીમ મેનેજમેન્ટે પૂર્વ ભારતીય ફાસ્ટ બોલર અને 2011 વર્લ્ડ કપના હીરો ઝહીર ખાનને ચેન્નાઈ સુપર કિંગ્સના નવા મુખ્ય કોચ તરીકે નિયુક્ત કર્યા છે.

ઝહીર હવે આઇપીએલ 2027 માં સીએસકેને વિજય અપાવતો જોવા મળશે. ઝહીર ખાનનું નામ કોઈ પરિચયની જરૂર નથી. તેમના 14 વર્ષના શાનદાર આંતરરાષ્ટ્રીય કારકિર્દીમાં ઝહીરે 92 ટેસ્ટ, 200 વનડે અને 17 ટી20 મેચોમાં દેશ માટે સારું પ્રદર્શન કર્યું છે.

તેમણે આઇપીએલમાં 100 મેચ પણ રમી છે. રમતમાંથી નિવૃત્તિ લીધા પછી તેઓ સતત ખેલાડીઓને કોચિંગમાં સામેલ રહ્યા છે. સીએસકેના માલિક રૂપા ગુરુનાથ અને મેનેજિંગ ડિરેક્ટર કે.એસ. વિશ્વનાથને ઝહીરનું સ્વાગત કરતાં કહ્યું કે તે વિશ્વના શ્રેષ્ઠ ક્રિકેટ દિમાગમાંનો એક છે. તેની તીક્ષ્ણ નજર અને યુવા બોલરોને તૈયાર કરવાની ક્ષમતા ચેન્નાઈના કોર ગૃપને વધુ મજબૂત બનાવશે.

ઝહીર ખાને ખુશી વ્યક્ત કરી

સીએસકેના હેડ કોચ બન્યા પછી ઝહીર ખાન ટીમ સાથે કામ કરવા માટે સંપૂર્ણપણે તૈયાર છે. તેમણે કહ્યું કે આઇપીએલ ઇતિહાસની સૌથી સફળ અને લીજેડ્રી ટીમોમાંની એકનો ભાગ બનવું તેમના માટે સન્માનની વાત છે. તેમણે હંમેશા તેમની કારકિર્દી દરમિયાન મેદાન પર સીએસકે સામે બરોબર સ્પર્ધા કરી છે અને ચેપોકના 'સુપરફેન્સ'ના જુસ્સાને નજીકથી અનુભવવા આતુર છે.

આ પણ વાંચોઃ Asian Games 2026 / કોણ છે એલાવેનિલ? જેને ભારતને 2-2 મેડલ અપાવી જાપાનના શ્વાસ અદ્ધર કરી દીધાં

ધોની સાથે નવી રણનીતિ ઘડવામાં આવશે

ચાહકોના મનમાં હવે સૌથી મોટો પ્રશ્ન એ છે કે એમએસ ધોની અને ઝહીર ખાનની આ નવી જોડી મેદાન પર કયો જાદુ કરશે. આ મોટા ફેરફાર સાથે ચેન્નાઈ સુપર કિંગ્સ ટીમ જે છેલ્લા કેટલાક સમયથી સંઘર્ષ કરી રહી છે, તે સંપૂર્ણપણે નવા તેવર અને ધમાકેદાર અંદાજ સાથે આઇપીએલ 2027 માં ઉતરવા માટે તૈયાર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ