ક્રાઈમ / ગણપતિ વિસર્જનમાં નાચતાં અંગૂઠો કચડાઈ જતાં યુવકનું ગળું દબાવી હત્યા, તાપીમાં બનેલા બનાવથી મચ્યો હડકંપ

તાપી જિલ્લાના કુકરમુંડા તાલુકામાં ગણપતિ વિસર્જન દરમિયાન નાચવા બાબતે થયેલા ઝઘડામાં 21 વર્ષીય યુવકનું મોત થયું છે. મોદલા ગામ નજીક વિસર્જન યાત્રામાં નાચતી વખતે પગનો અંગૂઠો કચડાઈ જતાં થયેલા વિવાદમાં યુવકનું ગળું દબાવી હત્યા કર્યાનો આરોપ લગાવાયો છે. સમગ્ર મામલે કુકરમુંડા પોલીસે આરોપીની ધરપકડ કરી છે.

ગણપતિ વિસર્જનમાં શું બન્યું?

તાપી જિલ્લાના કુકરમુંડા તાલુકાના મોદલા ગામે 19 સપ્ટેમ્બરે ગણપતિ વિસર્જન દરમિયાન ગંભીર ઘટના બની હતી. નાચવા નાચવામાં પગનો અંગૂઠા માં ઇજા થતા થયેલ બોલાચાલીમાં 21 વર્ષીય શંકરભાઈ પરશુરામભાઈ વળવીનું ગળું દબાવી નિર્મમ હત્યા કરી નખાઈ હતી. ગણપતિ વિસર્જનમાં બેન્ડમાં નાચતી વખતે આરોપી વિશાલ રવિન્દ્રભાઈ પાડવીના કારણે મૃતક શંકરના પગનો અંગૂઠો કચડાઈ જતાં બંને વચ્ચે ઝઘડો થયો હતો. આરોપી વિશાલએ શંકરભાઈના ગળાના ભાગે પકડી ગળું દબાવી દેતાં શંકરનું મોત થયું હોવાનો પોલીસ ફરિયાદમાં પિતા પરશુરામ વડાવીએ ઉલ્લેખ છે.

વધુ વાંચો : બાળક પોતાનું ન હોવાનો ભાંડો ફૂટ્યા બાદ પરિણીતાએ કોર્પોરેટરના પતિ સામે ફરિયાદ નોંધાવી, 5 વર્ષ પહેલા દુષ્કર્મ

છોડાવવા વચ્ચે પડેલા શખ્સને પણ ઈજા

આ દરમ્યાન શંકરને છોડાવવા વચ્ચે પડેલા સાક્ષી મેહુલભાઈ વળવીને પણ ગળાના ડાબા ભાગે નખ મારી ઇજા પહોંચાડવામાં આવી હતી. ઘટનાની જાણ થતાં કુકરમુંડા પોલીસ એ એક દિવસમાં આરોપી વિશાલ પાડવી ગુજરાત-મહારાષ્ટ્ર બોર્ડર નજીક મૌવલીપાડા ગામની સીમ વિસ્તારમાં મળી આવતાં પોલીસે તેની ધરપકડ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ