IPL 2027 / KKRમાંથી આઉટ થશે ₹ 18 કરોડનો આ ખેલાડી! સામે આવ્યો ચોંકાવનારો રિપોર્ટ્સ

કોલકાતા નાઈટ રાઈડર્સના કેમ્પમાંથી એક મોટી ખબર સામે આવી છે. જેમાં IPL 2027 ની મિની ઓક્શન પહેલાં ટીમ મેનેજમેન્ટ શ્રીલંકન પેસર મથીશા પથિરાનાને છોડી દેવાના મૂડમાં છે. છેલ્લી ઓક્શનમાં 18 કરોડમાં ખરીદાયેલા આ પ્લેયરની એક મોટી કમજોરી હવે તેમના કરાર પર ભારે પડી રહી છે.

પથિરાનાની ફિટનેસ હાલમાં ખૂબ જ કમજોર રહી છે. ગયા સીઝનમાં ખરાબ ફિટનેસને કારણે તે માત્ર એક જ મેચ રમી શક્યો હતો અને તેમાં એક પણ વિકેટ ન લઈ શક્યો. ફેબ્રુઆરી બાદ તેઓ શ્રીલંકા માટે પણ નથી રમ્યો. આવી સ્થિતિમાં KKR જેવી ટીમ ખરાબ ફિટનેસવાળા ફાસ્ટ બોલર પર દાવ ન લગાવવા માંગે છે તે સ્વાભાવિક છે.

જોકે પથિરાનાનો કુલ રેકોર્ડ સારો છે. T20 ઇન્ટરનેશનલની 27 ઇનિંગમાં તેને 40 વિકેટ લીધી છે. જ્યારે આઈપીએલમાં 33 મેચમાં 47 વિકેટ તેમના નામે છે. લસિથ મલિંગા જેવી એક્શનથી બેટ્સમેનોને પરેશાન કરનારા આ પ્લેયર માટે આ સમાચાર નિરાશાજનક છે.

વધુ વાંચો :ટીમ ઈન્ડિયાનો આ સ્ટાર ખેલાડી બન્યો CSKનો હેડ કોચ, IPLમાં નિભાવશે મોટી જવાબદારી

હવે જો કોલકાતા નાઈટ રાઈડર્સ તેને રીલીઝ કરી દે તો આઈપીએલ 2027 ની મિની ઓક્શનમાં બીજી ટીમો તેને ખરીદવાનો વિચાર કરી શકે છે પણ ફિટનેસ જ મુખ્ય પડકાર બની રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ