ટેકનોલોજી / WhatsApp પર આવ્યું YouTube જેવું ગજબનું ફીચર! વીડિયો જોવાની મજા થઈ જશે ડબલ

WhatsApp તેના કરોડો યુઝર્સને બેસ્ટ ચેટિંગ એક્સપિરિયન્સ આપવા માટે નવી સુવિધાઓ લાવતું રહે છે અને આ સાથે જ આ ઇન્સ્ટન્ટ ચેટિંગ પ્લેટફોર્મ તેના યુઝર્સની સેફટી અને સિક્યોરીટી પર પણ સંપૂર્ણ ધ્યાન રાખે છે. એવામાં હવે WhatsAppએ તાજેતરમાં એપ માટે એક નવું અપડેટ બહાર પાડ્યું છે. 

આ અપડેટમાં ખાસ કરીને iOS માટે નવા ફીચર્સ અને બગ ફિક્સની સીરિઝનો સમાવેશ થાય છે. લેટેસ્ટ અપડેટમાં જે ખાસ ફીચરની વાત કરવામાં આવી રહી છે તે એ છે કે યુઝર ચેટમાં દેખાતા વીડિયોને ફાસ્ટ ફોરવર્ડ અને રીવાઇન્ડની સુવિધા મળશે. એવું કહેવામાં આવ્યું છે કે ગયા વર્ષથી આ ફીચરનું પરીક્ષણ કરવામાં આવી રહ્યું છે અને હવે તેને iOS અને Android બંને માટે ઉપલબ્ધ કરાવવામાં આવી રહ્યું છે.

આગામી WhatsApp અપડેટમાં તમને YouTube જેવી એપ્સની જેમ જ વિડિયો પર ડબલ ટેપ કરીને ફાસ્ટ ફોરવર્ડ/રીવાઇન્ડ કરવાની મંજૂરી આપશે. વોટ્સએપ અનુસાર, આ ફીચર આવનારા અઠવાડિયામાં દુનિયાભરમાં ઉપલબ્ધ કરાવવામાં આવશે. તો આવી સ્થિતિમાં, જો તમને હજી સુધી તે મળ્યું નથી, તો તમારે ચિંતા કરવાની જરૂર નથી.

બીજા અપડેટ્સ ઉપરાંત, વોટ્સએપે ચેટમાં તરત જ વિડિયો મેસેજ રેકોર્ડ કરવા અને મોકલવાની સુવિધા પણ બહાર પાડી છે. જો કે, આ સુવિધા છેલ્લા કેટલાક સમયથી ઉપલબ્ધ છે, અને હવે યુઝર્સ વાતચીત શરૂ કરવા માટે ટેક્સ્ટ ફીલ્ડની બાજુમાં કેમેરા બટનને લાંબા સમય સુધી દબાવીને વિડિઓ મેસેજ રેકોર્ડ કરી શકે છે.

આ સિવાય તાજેતરમાં જ વોટ્સએપે તમામ યુઝર્સ માટે અન્ય એક મહત્વપૂર્ણ ફીચર લોન્ચ કર્યું છે. નવા ફીચર હેઠળ યુઝર્સ ચેટમાં સરળતાથી ત્રણ મેસેજ પિન કરી શકે છે. અગાઉ, ચેટમાં મેસેજ પિન કરવાની મર્યાદા માત્ર એક જ હતી. આ અપડેટ યુઝર્સ માટે મેસેજ ગોઠવવાનું સરળ બનાવશે.

આ પણ વાંચોઃ WhatsApp એ કર્યો મોટો નિર્ણય, 1 જૂનથી SMS પર લાગશે 2.30 રૂપિયાનો ચાર્જ

મેસેજ પિન કરવાની ક્ષમતા ગયા વર્ષે ડિસેમ્બરમાં વન ઓન વન અને ગ્રુપ ચેટ બંને માટે રજૂ કરવામાં આવી હતી. આ સુવિધાનો ઉપયોગ તમામ પ્રકારના મેસેજ જેમ કે ટેક્સ્ટ, ઇમેજ અને પોલ્સ માટે કરી શકાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો