પંખો અને AC બંને એકસાથે ચાલુ રાખવા જોઈએ કે નહીં? AC સાથે પંખો ચાલુ રાખવાથી ફાયદો થાય કે નુકસાન? યુએસ ડિપાર્ટમેન્ટ ઓફ એનર્જીનું કહેવું છે કે AC સાથે પંખો ચાલુ રાખવાથી ફાયદો થાય છે.
Share
પંખો અને AC બંને એકસાથે ચાલુ રાખવા જોઈએ કે નહીં? AC સાથે પંખો ચાલુ રાખવાથી ફાયદો થાય કે નુકસાન? તો જણાવી દઈએ કે ફાયદો થાય છે... યુએસ ડિપાર્ટમેન્ટ ઓફ એનર્જીનું કહેવું છે કે AC સાથે પંખો ચાલુ રાખવાથી ફાયદો થાય છે. હવે આ ફાયદો કેવી રીતે થાય છે એ સમજવા માટે તમારે પહેલા એ સમજવું પડે કે પંખો કેવી રીતે કામ કરે છે. પંખો ઉપરની હવાને નીચે ફેકે છે અને આખા રૂમમાં પવનનો અહેસાસ થાય છે અને હવે જ્યારે એ જ રૂમમાં AC ચાલુ હોય તો AC રૂમની હોવાને ઠંડી કરશે. હવે જ્યારે પંખો ચાલુ છે ત્યારે એક પણ એવો ખુણો નહીં બચે જે ખૂણામાં ગરમ હવા હશે, આખા રૂમની હવા ઠંડી થઈ જશે.
જ્યારે AC સાથે પંખો ચાલુ હોય ત્યારે વાતાવરણમાં થોડી વધારે જ ઠંડક આવી જાય છે એના કારણે ACનું ટેમ્પરેચર બેથી ત્રણ ડિગ્રી ઓછું રાખવું પડે છે, જે અંતે સારું છે કારણ કે આનાથી વીજળી બચશે અને છેલ્લે તમારા પૈસા પણ બચશે. ACમાં આઉટડોર અને એક ઇન્ડોર યુનિટ હોય છે એમાં આઉટડોર યુનિટનું કામ છે ગરમ હોવાને ઠંડી કરવી, ઇન્ડોર યુનિટનું કામ છે ACના અલગ અલગ કંટ્રોલને હેન્ડલ કરવાનું.
ધારો કે ટેમ્પરેચર 23 સેટ કર્યું છે તો જ્યારે રૂમનું ટેમ્પરેચર ઇન્ડોર યુનિટના સેન્સરમાં 23 ડિગ્રી પહોંચી જશે ત્યારે એ આઉટડોર યુનિટ પોતાનું કોમ્પ્રેસર બંધ કરી નાખશે. અને જ્યારે ટેમ્પરેચર ફરીથી એકવાર રૂમનું વધશે ત્યારે કોમ્પ્રેસર આપોઆપ શરૂ થઈ જશે. AC આ રીતે કામ કરે છે. એટલે હવે તમે જ ગણતરી કરી લો કે રૂમ જલ્દી ઠંડો થઈ જાય તો આઉટડોર યુનિટનું કોમ્પ્રેસર બંધ થઈ જશે અને વીજળી બચશે. ટૂંકમાં AC ની સાથે પંખો ચાલુ રાખવાથી ફાયદો જ ફાયદો છે.
