Car Launch In May 2024: ફોર વ્હીકલમાં પરિવારની સૌથી વધુ પસંદગી હોય તો તે કાર પર હોય છે. કારના શોખીનો માટે આવતો મહિનો એટલે કે મે મહિનો ખૂબ જ રોમાંચક રહેવાનો છે. મે મહિનામાં ઓછામાં ઓછી ત્રણ નવી કાર લોન્ચ થવા જઈ રહી છે. જેમાં મારુતિ સુઝુકી, ટાટા મોટર્સ અને ફોર્સ મોટર્સના મોડલ સામેલ હશે.
કારના શોખીનો માટે મે મહિનો ખૂબ જ રોમાંચક રહેવાનો છે. મે મહિનામાં ઓછામાં ઓછી ત્રણ નવી કાર લોન્ચ થવા જઈ રહી છે. જેમાં મારુતિ સુઝુકી, ટાટા મોટર્સ અને ફોર્સ મોટર્સના મોડલ સામેલ હશે. આ ત્રણ કંપનીઓ માર્કેટમાં નવી કાર લોન્ચ કરવા જઈ રહી છે. આ પૈકી ફોર્સ મોટર્સ જે SUV લોન્ચ કરશે તે ઑફ-રોડિંગ ક્ષમતાઓ સાથે આવશે.
નવી મારુતિ સ્વિફ્ટ
મારુતિ સુઝુકીની લોકપ્રિય કાર સ્વિફ્ટનું નવું મોડલ આવવાનું છે. તેને મેના બીજા સપ્તાહમાં લોન્ચ કરવામાં આવી શકે છે. આ કારનું બિનસત્તાવાર બુકિંગ કેટલાક પસંદગીના એરેના ડીલરશિપ પર શરૂ થઈ ગયું છે. નવી સ્વિફ્ટમાં કેટલાક કોસ્મેટિક ફેરફાર જોવા મળી શકે છે. નવી 2024 મારુતિ સ્વિફ્ટમાં સુઝુકીનું ઓલ-ન્યુ 1.2L, 3-સિલિન્ડર નેચરલી એસ્પિરેટેડ Z-સિરીઝ પેટ્રોલ એન્જિન હાલના K-Series, 4-સિલિન્ડર એન્જિનની જગ્યાએ મળી શકે છે.
ટાટા અલ્ટ્રોઝ રેસર એડિશન
ટાટા અલ્ટ્રોઝ રેસર એડિશનના લોન્ચિંગ વિશે હજી સુધી કોઈ સત્તાવાર જાહેરાત કરવામાં આવી નથી, પરંતુ તે પહેલાથી જ કેટલાક તબક્કે બતાવવામાં આવી છે. આ મોડલ 1.2 લિટર, 3 સિલિન્ડર ટર્બો પેટ્રોલ એન્જિન સાથે આવી શકે છે, જે 120bhp પાવર અને 170Nm ટોર્ક જનરેટ કરી શકે છે. તેની સાથે 6-સ્પીડ મેન્યુઅલ ગિયરબોક્સ મળી શકે છે. નિયમિત અલ્ટ્રોઝની તુલનામાં, અલ્ટ્રોઝ રેસરમાં કેટલાક કોસ્મેટિક ફેરફારો જોવા મળશે. તેના બોનેટ અને છત પર ટ્વીન રેસિંગ પટ્ટાઓ સાથે ડ્યુઅલ-ટોન કલર સ્કીમ મળી શકે છે.
વધુ વાંચો: LICની સ્કીમ છે કે નોટો છાપવાનું મશીન! જેમાં રોજના 45 રૂપિયાના રોકાણ પર થશે 25 લાખનો ફાયદો, સમજો કેલ્ક્યુલેશન
ફોર્સ ગુરખા
ફોર્સ મોટર્સે ટૂંક સમયમાં લોન્ચ થનારી 5 ડોર ગુરખા અને અપડેટેડ 3 ડોર ગુરખાની એક ઝલક બચાવી છે. બંને મોડલનો લુક એકદમ એકબીજાને મળતો જોવા મળે છે. ફરક માત્ર બમ્પર અને પાછળના દરવાજાનો હોઈ શકે છે. આ ઑફ-રોડ SUV ફોર્સ સિગ્નેચર ટુ-સ્લેટ ગ્રિલ, સ્ક્વેર હેડલેમ્પ ક્લસ્ટર અને નવા 16-ઇંચના એલોય વ્હીલ્સ (245/70 R16 ટાયર સાથે) મળી શકે છે. 5-ડોર અને 3-ડોર વર્ઝન બંને માટે વિવિધ એસેસરીજ પણ ઉપલબ્ધ હશે.
