સ્વાસ્થ્ય / મોઢામાં પડે છે ચાંદા! તો માઉથ કેન્સરનો સૌથી વધુ ખતરો, નજરઅંદાજ કર્યું તો જિંદગી બગડશે

દરેક લોકો માટે સૌથી અગત્યની વસ્તુ છે સારું સ્વાસ્થ્ય. જો સ્વાસ્થ્ય સારું હોય તો કોઈ ટેન્શન નહીં. પરંતુ ઘણી વખત બેદરકારી લોકોની મુશ્કેલી વધારી દેતી હોય છે અને ગંભીર રોગોનો ભોગ બનવું પડે છે. તમને ખ્યાલ જ હશે કે મોઢાનું કેન્સર એક જીવલેણ રોગ છે. તાજેતરમાં જ બિહારના પૂર્વ નાયબ મુખ્યમંત્રી અને ભાજપના નેતા સુશીલ મોદી મોઢાના કેન્સરથી પીડિત હતા. જેનું તાજેતરમાં મૃત્યુ થયું હતું. મોઢાના કોઈપણ ભાગમાં મોઢાનું કેન્સર થઈ શકે છે. કેન્સર હોઠ, પેઢાં, જીભ, ગાલની અંદર, મોંની અંદર, મોંની ઉપર અથવા ગળામાં થઈ શકે છે. જો કે આ કેન્સર પહેલા કેટલાક લક્ષણો પણ જોવા મળે છે. તે જાણીને સમયસર સારવાર કરવામાં આવે તો ગંભીર બિમારીથી બચી શકીએ છીએ. આ મામલે કેટલાક નિષ્ણાંતોએ મોઢાના કેન્સરના લક્ષણો જણાવ્યા છે. તો આવો કરીએ એક નજર..

મોઢાના કેન્સરના લક્ષણો

• જો મોંની અંદર સફેદ કે લાલ ફોલ્લીઓ દેખાય તો આ મોઢાના કેન્સરના પ્રારંભિક લક્ષણો હોઈ શકે છે.
• જો દાંતની પકડ નબળી પડી રહી છે તો આ પણ મોઢાના કેન્સરનું પ્રારંભિક લક્ષણ હોઈ શકે છે.
• મોઢાની અંદર કોઈપણ પ્રકારનો ગઠ્ઠો અને સોજો મોઢાના કેન્સરના લક્ષણો હોઈ શકે છે.
• જો હોઠ કે મોં પરનો ઘા ન રૂઝાય તો તરત જ ડોક્ટરની સલાહ લો કારણ કે તે મોઢાના કેન્સરનું પ્રારંભિક લક્ષણ હોઈ શકે છે.
• મોઢામાં દુખાવો એ મોઢાના કેન્સરનું પ્રારંભિક લક્ષણ હોઈ શકે છે.
• ગળવામાં મુશ્કેલી એ મોઢાના કેન્સરનું પ્રારંભિક લક્ષણ હોઈ શકે છે.
• આ કેન્સરમાં હોઠ અને મોંની અંદર એક પટલ બને છે. જે પાછળથી સ્ક્વામસ સેલ કાર્સિનોમા નામના ઓરલ કેન્સર તરફ દોરી જાય છે.

કઈ ખરાબ ટેવોથી મોઢાનું કેન્સર થાય છે?

• નબળી રોગપ્રતિકારક શક્તિને કારણે મોઢાના કેન્સરનું જોખમ પણ વધી જાય છે.
• તમાકુ, સિગારેટ, સિગાર, પાઇપ કે ચાવવાની તમાકુથી મોઢાનું કેન્સર થઈ શકે છે.
• વધુ પડતા આલ્કોહોલ પીવાથી મોઢાના કેન્સરનું જોખમ પણ વધારે છે.
• જો વધુ પડતા યુવી કિરણો હોઠ પર પડતા હોય તો મોઢાના કેન્સરનો ખતરો રહે છે.
• એચ.આઈ.વી ના કારણે કેન્સર થવાનું જોખમ પણ રહેલું છે

મોઢાના કેન્સરને કેવી રીતે અટકાવી શકાય?

ધૂમ્રપાન બંધ કરો

જો તમારે મોઢાના કેન્સરને ઓછું કરવું હોય તો તમાકુનો ઉપયોગ બિલકુલ ન કરો. કારણ કે તમાકુ ચાવવાથી મોઢાના કેન્સરનું જોખમ નોંધપાત્ર રીતે વધી જાય છે.

આલ્કોહોલનો બંધ કરો

જો તમે વધુ પડતો આલ્કોહોલ પીતા હોવ તો તરત જ તેને પીવાનું બંધ કરો કારણ કે તેની સીધી અસર મોઢાના કોષો પર પડે છે. આવી સ્થિતિમાં મોઢાના કેન્સરનું જોખમ નોંધપાત્ર રીતે વધી જાય છે.

દાંતની તપાસ કરાવતા રહો

જો તમે મોઢાના કેન્સરથી બચવા માંગતા હો, તો નિયમિત ડેન્ટલ ચેકઅપ કરાવતા રહો. તમારા દાંત અને મોઢાને પણ સાફ રાખો. જો તમે દંત ચિકિત્સક દ્વારા નિયમિત ચેકઅપ કરાવો તો મોઢાનું કેન્સર જાણી શકાય છે.

વધુ વાંચો : ગરમીમાં પરસેવો વળતો નથી? તો થઈ જજો એલર્ટ, આ 7 લક્ષણ દેખાય તો ડૉક્ટર પાસે દોડજો

વધુ પડતા સૂર્યપ્રકાશના સંપર્કમાં આવવાનું ટાળો

જો તમારે મોઢાના કેન્સરથી બચવું હોય તો વધારે સમય તડકામાં ન રહો. બને તેટલું છાંયડામાં રહો. તમારા ચહેરાને કેપ અથવા કોઈ કપડાથી ઢાંકીને જ તડકામાં બહાર જાઓ, આ તમારી ત્વચાને સુરક્ષિત કરશે.