LICની જીવન આનંદ પોલિસી જેમાં રોજ ફક્ત 45 રૂપિયા રોકીને તમે 25 લાખ રૂપિયા કમાણી કરી શકો છો. તેના ઉપરાંત અન્ય ઘણા ફાયદા પણ LICની આ સ્કીમમાં મળે છે. જાણો.
નાની બચત યોજના, મોટો પ્રોફિટ
જો તમે ઓછા પ્રીમિયમમાં પોતાના માટે મોટુ ફંડ ભેગુ કરવા માંગો છો તો જીવન આનંદ પોલિસી એક સારો ઓપ્શન સાબિત થઈ શકે છે. એક પ્રકારે આ ટર્મ પોલિસી જેમ જ છે. જેટલા સમય માટે તમારી પોલિસી છે તમે તેટલા જ સમય સુધી પ્રીમિયમની ચુકવણી કરી શકો છો.
આ સ્કીમમાં પોલિસીધારકને એક નહીં, પરંતુ ઘણા મેચ્યોરિટી બેનિફિટ મળે છે. LICની આ સ્કીમમાં ઓછામાં ઓછા એક લાખ રૂપિયાનું સમએશ્યોર્ડ હોય છે. જ્યારે મેક્સિમમની કોઈ લિમિટ નક્કી કરવામાં નથી આવી.
45 રૂપિયા જમા કરવાથી મળશે 25 લાખ રૂપિયા
LIC Jeevan Anand Policyમાં જો લગભગ 1358 રૂપિયા દર મહિને જમા કરીને 25 લાખ રૂપિયા મેળવી શકો છો. આ હિસાબથી જોઈએ તો દરરોજ તમારે ફક્ત 45 રૂપિયાની સેવિંગ કરવાની રહેશે. જોકે LICની આ પોલિસીને એક લોન્ગ ટર્મ પ્લાન હેઠળ જોવામાં આવે છે. તેની પોલિસી ટર્મ 15થી 35 વર્ષની છે.
એટલે કે જો તમે આ પોલિસીના હેઠળ 45 રૂપિયા રોજ બચાવો છો તો 35 વર્ષ માટે રોકાણ કરી શકો છો. તો આ સ્કીમની મેચ્યોરિટી પુરી થયા બાદ તમને 25 લાખ રૂપિયાની રકમ મળે છે. વાર્ષિક આધાર પર તમારા દ્વારા બચાવવામાં આવેલી રકમને જોવામાં આવે તો આ લગભગ 16,300 રૂપિયા હશે.
બોનસની સાથે મળશે આટલી રકમ
દર વર્ષે 16,300 રૂપિયાના રોકાણમાં તમે આ LIC પોલિસીમાં 35 વર્ષ સુધી રોકાણ કરો તો કુલ મળીને જમા રકમ 5,70,500 રૂપિયા જમા થશે. હવે પોલિસી ટર્મ અનુસાર તેમાં બેસિક સમ એશ્યોર્ડ પાંચ લાભ રૂપિયા હશે.
વધુ વાંચો: વધતા વજનથી છો પરેશાન? તો આજથી જ લીંબુનું આ રીતે સેવન શરૂ કરો, થશે અનેક ફાયદા
જેની સાથે મેચ્યોરિટી પીરિયડના બાદ તમને આ રકમમાં રિવિઝનરી બોનસ 8.60 લાખ રૂપિયા અને ફાઈનલ બોનસ 11.50 લાખ રૂપિયા એડ કરવામાં આવશે. LICની જીવન આનંદ પોલિસીમાં બે વખત બોનસ આપવામાં આવે છે. પરંતુ તેના માટે તમારી પોલિસી 15 લાખની હોવી જરૂરી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
