બ્રેકિંગ ન્યુઝ
VTV / સ્પોર્ટસ / Cricket / ભારતીય ક્રિકેટ ટીમના નવા કોચની રેસમાં વિદેશી ખેલાડીઓનો પણ દબદબો, આ બે નામ સૌથી આગળ
Last Updated: 07:58 PM, 15 May 2024
ભારતીય ટીમના મુખ્ય કોચ તરીકે રાહુલ દ્રવિડનો કાર્યકાળ જૂનમાં સમાપ્ત થઈ રહ્યો છે. દ્રવિડે કોચનું પદ છોડવાની ઇચ્છા વ્યક્ત કરી હોવાથી, ટીમના નવા કોચની શોધને વેગ મળ્યો છે.
ADVERTISEMENT
રિકી પોન્ટિંગનો સંપર્ક
નવા કોચના વિકલ્પ તરીકે બીસીસીઆઈએ માત્ર ભારતીય જ નહીં પરંતુ વિદેશી કોચ રાખવાનો વિકલ્પ પણ ખુલ્લો રાખ્યો છે. એક અહેવાલ અનુસાર, બીસીસીઆઈએ કોચના પદને લઈને રિકી પોન્ટિંગનો સંપર્ક કર્યો છે. પોન્ટિંગ ઉપરાંત ન્યૂઝીલેન્ડના દિગ્ગજ ખેલાડી સ્ટીફન ફ્લેમિંગને પણ મુખ્ય કોચના સંભવિત રિપ્લેસમેન્ટ તરીકે જોવામાં આવી રહ્યા છે. રાહુલ દ્રવિડનો કાર્યકાળ જૂનના અંતમાં સમાપ્ત થાય છે, એટલે કે T20 વર્લ્ડ કપ 2024 પછી ભારતીય ટીમ નવા કોચના કોચિંગ હેઠળ રમતી જોવા મળશે.
ADVERTISEMENT
Ricky Ponting & Stephen Fleming are on the radar of BCCI for the next Indian head coach. [RevSportz] pic.twitter.com/7ybuiPvKOh
— Johns. (@CricCrazyJohns) May 15, 2024
સ્ટીફન ફ્લેમિંગનું નામ પણ રેસમાં
રિકી પોન્ટિંગ અને સ્ટીફન ફ્લેમિંગ ભારતીય ક્રિકેટ ટીમના આગામી કોચ બનવાની રેસમાં સૌથી આગળ છે. આ પહેલા ગેરી કર્સ્ટન અને જ્હોન રાઈટની આગેવાનીમાં ભારતીય ટીમે ઘણી સફળતા મેળવી છે. રાહુલ દ્રવિડનો કાર્યકાળ જૂનના અંતમાં સમાપ્ત થશે.
31 ડિસેમ્બર 2027 સુધીનો કાર્યકાળ
નવા કોચનો કાર્યકાળ 1 જુલાઈ 2024થી 31 ડિસેમ્બર 2027 સુધી રહેશે. આનો અર્થ એ થયો કે નવા કોચ પાસે 2027 વનડે ક્રિકેટ વર્લ્ડ કપ માટે મજબૂત ભારતીય ટીમને તૈયાર કરવાની જવાબદારી હશે.
ઉલ્લેખનીય છે કે દ્રવિડનો કાર્યકાળ ગયા વર્ષે જ સમાપ્ત થવાનો હતો, પરંતુ તેમનો કરાર વન-ડે ક્રિકેટ વર્લ્ડ કપ 2023 પછી લંબાવવામાં આવ્યો હતો. બીસીસીઆઈએ મુખ્ય કોચ પદ માટે અરજીઓ લેવાનું શરૂ કરી દીધું છે અને અરજીઓ માટેની છેલ્લી તારીખ 27 મેના રોજ રાખવામાં આવી છે.
આ પણ વાંચોઃ તો ટીમ ઇન્ડિયાનો કોચ એક વિદેશી બનશે? રેસમાં ગૌતમ અને વિરેન્દ્ર સહેવાગ પણ, જાણો શું છે BCCIનો પ્લાન
2018થી આઈપીએલમાં દિલ્હી કેપિટલ્સના કોચ છે રિકી પોન્ટિંગ
રિકી પોન્ટિંગ 2018થી આઈપીએલમાં દિલ્હી કેપિટલ્સના કોચ છે. રિકી પોન્ટિંગ ઓસ્ટ્રેલિયા માટે 2 વખત વિશ્વ કપ વિજેતા કેપ્ટન છે. તેમની આગેવાનીમાં ઓસ્ટ્રેલિયાએ 2003 અને 2007માં વિશ્વ કપ જીત્યો હતો. સ્ટીફન ફ્લેમિંગ 2009 થી ચેન્નાઈ સુપર કિંગ્સ (સીએસકે) ના કોચ છે અને તેમનો કોચિંગનો અનુભવ ટીમ ઇન્ડિયા માટે ખૂબ ઉપયોગી થઈ શકે છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.