મોરબી / 'જૂના પુસ્તકો આપી જાઓ, જરૂરિયાતમંદ લઈ જાઓ', અહીં શરૂ થયો પુસ્તક એક્ત્રીકરણ કાર્યક્રમ

મોરબીમાં શૈક્ષિક મહાસંઘ દ્વારા ખાસ કાર્યનું બીડું ઝડપ્યું છે. મહાસંઘના કાર્યકર્તાઓએ સ્ટોલ બનાવીને ધોરણ 3થી 12 સુધીના વિદ્યાર્થીઓના જૂનો પુસ્તકો એકત્ર કરીને જરૂરિયાતમંદના વિદ્યાર્થીઓને ફ્રીમાં આપવાનું કાર્ય કર્યું છે. જે પુસ્તકો જુદી જુદી શાળાઓમાં જઈ જરૂરિયાતમંદના વિદ્યાર્થીઓને આપવામાં આવ્યા હતાં.

પુસ્તક ભેટની મુહિમ

મહાસંઘ દ્વારા કાર્યરત કરવામાં આવેલા ત્રણેય સ્ટોલ પર 618 જેટલા જુદા જુદા ધોરણના પુસ્તક સેટ દાન રૂપે પ્રાપ્ત થયા હતા. જે પૈકી 150 જેટલા સેટ સ્થળ પરથી જ જરૂરીયાતવાળા વિદ્યાર્થીઓ જેવા કે સાફ સફાઈ કરતા સેવાકર્મીના સંતાનો, આર્થિક જરૂરિયાત વાળા બાળકોને અર્પણ કરવામાં આવ્યા હતા. મોરબીની દાન પ્રિય જનતા તરફથી આ મુહિમને બહોળો પ્રતિસાદ પ્રાપ્ત થતા સ્વામિનારાયણ મંદિર નવા બસ સ્ટેન્ડ પાસેનો અને રાણા પ્રતાપ સર્કલ-મોરબી-2ના બંને સ્ટોલ ચાલુ રાખવામાં આવ્યા છે.

વાંચવા જેવું: PSI અને લોક રક્ષકની ભરતીમાં આટલી અરજીઓ થઈ કન્ફર્મ, કાલે રાત સુધીનો સમય

મોરબીની જનતાને કરાઈ અપીલ

મહાસંઘના અગ્રણીઓએ મોરબીની જનતાને જણાવ્યું હતું કે, આપના બાળકના જુના પુસ્તકો બિલકુલ નજીવી કિંમતે પસ્તીમાં ન આપતા આ સ્ટોલમાં જમા કરાવી સન્માન પત્ર મેળવી સેવાનું કાર્ય કરી શકો છો. સાથો સાથ અખિલ ભારતીય રાષ્ટ્રીય શૈક્ષિક મહાસંઘના સેવાયજ્ઞમાં સહભાગી બની શકો છો.