Police Bharti News: ગુજરાત પોલીસ દળમાં પો.સ.ઇ. કેડરની બિન હથિયારી, સબ ઇન્સ્પેકટર તથા લોકરક્ષક કેડરની બિન હથિયારી પોલીસ કોન્સ્ટેબલ, હથિયારી પોલીસ કોન્સ્ટેબલ, હથિયારી પોલીસ કોન્સ્ટેબલ (એસ.આર.પી.એફ.) અને જેલ સિપોઇ વર્ગ-૩ સંવર્ગની કુલ: 12472 ખાલી જગ્યાઓ માટે ઓનલાઈન ફોર્મ ભરાઈ રહ્યાં છે. અત્રે જણાવીએ કે, આ ભરતીને લઈ અરજીઓનો આંક 10 લાખને પાર પહોંચ્યો છે.
10.60 લાખથી વધુ અરજીઓ આવી
થોડા દિવસ અગાઉ ભરતી બોર્ડના અધ્યક્ષ હસમુખ પટેલે એક મહત્વની જાહેરાત કરી હતી કે, ધોરણ-12 અને કોલેજના છેલ્લા વર્ષના વિદ્યાર્થીઓ આ ભરતી માટે અરજી કરી શકે છે. ત્યારે હવે PSI તથા લોકરક્ષકની ભરતી માટે 10.60 લાખથી વધુ અરજીઓ આવી છે. ઉલ્લેખનીય છે કે, પોલીસ ભરતીમાં થયેલી અરજીમાં સવા લાખ અરજીનું કન્ફર્મેશન બાકી છે. તેમજ અરજી માટે છેલ્લા બે દિવસ બાકી રહ્યાં છે. એટલે કે, મંગળવારે રાત્રે અરજીનો સમય પૂર્ણ થશે.
વાંચવા જેવું: ગુજરાત બન્યું ડ્રગ્સની હેરાફેરીનું એપી સેન્ટર! ફરીવાર અરબસાગરમાંથી ઝડપાયું 173 કિલો ડ્રગ્સ
પોલીસમાં ભરતી થવા માટે 30મી એપ્રિલ સુધીમાં અરજી કરો
ગુજરાત પોલીસમાં PSI, આર્મ્ડ પોલીસ કોન્સ્ટેબલ, પોલીસ કોન્સ્ટેબલ, લોક રક્ષક અને જેલ કોન્સ્ટેબલની જગ્યાઓ પર ભરતી માટે ઓનલાઈન અરજીની પ્રક્રિયા ચાલુ છે. જો તમે આ ભરતીમાં ભાગ લેવા માંગતા હોવ તો તમે બોર્ડની અધિકૃત વેબસાઇટ https://ojas.gujarat.gov.in/ પર ઑનલાઇન મોડમાં અરજી ફોર્મ ભરી શકો છો.
ખાસ આ નોંધ વાંચી લો
- ઓનલાઇન અરજી કરતી સમયે ઉમેદવારે પોતાની અટક, પોતાનું નામ તથા પિતા/ પતિનું નામ ધોરણ-12 અથવા તેને સમકક્ષ પરીક્ષાની છેલ્લી માર્કશીટમાં દર્શાવેલ હોય તે મુજબ જ દર્શાવવાનું રહેશે અને દર્શાવેલ માર્કશીટ ઓનલાઇન અરજી કરતી વખતે અપલોડ કરવાની રહેશે.
- ઉમેદવાર જો (1) ફકત પો.સ.ઇ. કેડર માટે અરજી કરવા માંગતા હોય તો તેઓએ Online Application માં PSI Cadre પસંદ કરવાનું રહેશે (2) ફકત લોકરક્ષક કેડર માટે અરજી કરવા માંગતા હોય તો તેઓએ Online Application માં Lokrakshak Cadre પસંદ કરવાનું રહેશે અને (3) જો બંન્ને માટે (પો.સ.ઇ. કેડર તથા લોકરક્ષક કેડર) અરજી કરવા માંગતા હોય તો તેઓએ Online Application માં Both (PSI+LRD) પસંદ કરવાનું રહેશે.
- માજી સૈનિકો માટે ગુજરાત રાજય સેવા (માજી સૈનિકો માટે અનામત) નિયમો 1975 અને સુધારેલ નિયમો - 1994 તથા વખતો વખત સુધારેલ નિયમો મુજબ અનામત મળવાપાત્ર રહેશે.
