BIG BREAKING / ગુજરાત બન્યું ડ્રગ્સની હેરાફેરીનું એપી સેન્ટર! ફરીવાર અરબસાગરમાંથી ઝડપાયું 173 કિલો ડ્રગ્સ

ગુજરાતનો દરિયા કિનારો જાણે ડ્રગ્સ માફીયાઓ માટે સ્વર્ગ સમાન બન્યો હોય તો અવાર નવાર કરોડો રૂપિયાનો ડ્રગ્સનો જથ્થો ઝડપાતો હોય છે. ત્યારે આજે ફરી અરબી સમુદ્રમાંથી 173 કિલો ડ્રગ્સ સાથે કોસ્ટગાર્ડ અને એટીએસ દ્વારા બે માછીમારોને ઝડપી પાડી સંયુક્ત કાર્યવાહી હાથ ધરી હતી.

ગત રોજ 600 કરોડનો ડ્રગ્સનો જથ્થો ઝડપાયો

ગત રોજ ગુજરાતનાં દરિયાકાંઠા નજીકથી એનસીબી તેમજ કોસ્ટગાર્ડ દ્વારા સંયુક્ત ઓપરેશન હાથ ધરવામાં આવ્યું હતું. જેમાં ગુજરાતનાં દરિયાકાંઠામાંથી કરોડો રૂપિયાનાં ડ્રગ્સ સાથે 14 લોકોની ધરપકડ કરવામાં આવી હતી. ગુજરાતનાં દરિયા નજીકથી આંરરાષ્ટ્રીટ મેરીટાઈમ બાઉન્ડ્રી લાઈન નજીકથી ડ્રગ્સ ઝડપાયું હતું.

વધુ વાંચોઃ ગુનાહિત ઇતિહાસ તથા સંપત્તિને લઇ સામે આવ્યો ઉમેદવારોનો ચોંકાવનારો ADR રિપોર્ટ, 48 વિરૂદ્ધ છે ગંભીર ગુના

14 પાકિસ્તાની નાગરિકોની ધરપકડ કરી

સુરક્ષા એજન્સીએ જણાવ્યું કે નાર્કોટિક્સ કંટ્રોલ બ્યુરો અને ગુજરાત ATS સાથેના સંયુક્ત ઓપરેશનમાં, ભારતીય કોસ્ટ ગાર્ડે ગુજરાતના દરિયાકાંઠે આંતરરાષ્ટ્રીય મેરીટાઇમ બાઉન્ડ્રી લાઇન નજીક આશરે 90 કિલો ડ્રગ્સ સાથે 14 પાકિસ્તાની નાગરિકોની ધરપકડ કરી છે. છેલ્લા કેટલાક દિવસોથી ગુપ્તચર માહિતીના આધારે એજન્સીઓ દ્વારા આ ઓપરેશન હાથ ધરવામાં આવ્યું હતું.