પોલીસ પ્રેમ / લેડી પોલીસ અધિકારીએ આંખના ઉલાળા કરીને કોન્સ્ટેબલને બહાર બોલાવ્યો પછી છાપરે ચઢ્યો કાંડ

એમપીના ગ્વાલિયરમાં લેડી એએસઆઈ અને પોલીસ કોન્સ્ટેબલનો પ્રેમ છાપરે ચઢ્યો છે અને ગામ આખાને ખબર પડી છે. ગ્વાલિયર આઈજી ઓફિસમાં તૈનાત એક કોન્સ્ટેબલ અને એક લેડી એએસઆઈ પ્રેમમાં હતા, ત્રીજા તબક્કાની લોકસભાની ચૂંટણી માટે મતદાન ફરજ પરથી તેઓ ગાયબ થઈ ગયાં હતા અને હજુ સુધી પાછા જ આવ્યાં નથી. તેમની વચ્ચે પ્રેમ હોવાનું પણ વિભાગમાં ચર્ચાઈ રહ્યું છે. ફરજ પરની બેદરકારી બદલ બંનેને મંગળવારે સસ્પેન્ડ કરવામાં આવ્યા હતા. તેમનું છેલ્લું લોકેશન દિલ્હીમાં હોવાનું કહેવાય છે.

મતદાન પૂર્ણ થયા બાદ બન્ને ભાગ્યાં

આઈજી ઓફિસમાં તૈનાત લેડી એએસઆઈ નિશા જૈન અને કોન્સ્ટેબલ અખંડ પ્રતાપ સિંહ છેલ્લા એક અઠવાડિયાથી લાપતા છે. આ બંનેને 7 મેના મતદાન માટે ગ્વાલિયર જિલ્લામાં મતદાન ફરજ પર તૈનાત કરવામાં આવ્યા હતા. જો કે, મતદાન પૂર્ણ થયા બાદ બંને પરત ફર્યા ન હતા. ચિંતાતુર થઈને તેમના પરિવારના સભ્યો આઈજી અરવિંદકુમાર સક્સેનાને મળવા ગયા અને જ્યારે તેમને ખબર પડી કે તેઓ બંને પાછા ફર્યા નથી. આઈજીએ કોન્સ્ટેબલ અખંડ પ્રતાપ સિંહ અને એએસઆઈ નિશા જૈન બંનેને નોટિસ આપ્યા વિના અને કામ પર બેદરકારી દાખવ્યા વિના ફરજ ગુમ થવા બદલ સસ્પેન્શન ઓર્ડર જારી કર્યા હતા.

પ્રેમમાં હતા, પરિવાર લગ્નની વિરૃદ્ધમાં હતો

શંકાસ્પદ સંજોગોમાં ગુમ થયા બાદ તેમના પરિવારના સભ્યો 9 મેના રોજ આઇજી અરવિંદ કુમાર સક્સેનાને મળ્યા હતા અને બંને દિલ્હીમાં હોવાની આશંકા વ્યક્ત કરી હતી. સૂત્રોના જણાવ્યા અનુસાર આ મામલો પ્રેમસંબંધ સાથે જોડાયેલો છે; બંને લગ્ન કરવા માંગતા હતા, પરંતુ તેમના પરિવારો લગ્નની વિરુદ્ધ હતા.

વધુ વાંચો : 'ભૂત સાથે સંબંધમાં છું, છોકરીએ સાચા માનવા પડે તેવા પુરાવા આપ્યાં, પાછલા જન્મ અંગે બોલી

ચૂંટણી વખતે સામસામા બેઠા હતા

જણાવાઈ રહ્યું છે કે મતદાન વખતે બન્નેની સાથે ડ્યુટી હતી અને લેડી એએસઆઈ કોન્સ્ટેબલને આંખના ઈશારાથી બહાર જવાનું કહ્યું હતું બસ પછી બન્ને ભાગી ગયા હતા. આખો દિવસ પાછા ન આવ્યાં ત્યારે બધાને તેમના ગાયબ થયાની જાણ થઈ અને પછી સામે આવ્યું કે તેઓ બન્ને પ્રેમમાં હતા.