ક્રિકેટ / VIDEO: વૈભવ સૂર્યવંશીએ શ્રીલંકાના ખેલાડીને માર્યો ધક્કો, સુપર ઓવર પછી મેદાન પર થઇ બબાલ

શ્રીલંકા A સામેની સુપર ઓવર સમાપ્ત થયા પછી ભારત A ના ઓપનર વૈભવ સૂર્યવંશીનો શ્રીલંકા A ખેલાડીઓ સાથે ઉગ્ર બોલાચાલી થઈ. ટ્રાઇ નેશન એ સીરીજમાં શ્રીલંકાએ એ ભારતને હરાવ્યું. જો કે મેચ ટાઇમાં સમાપ્ત થયા પછી અમ્પાયર અને તિલક વર્મા વચ્ચે લાંબી ચકમક થઇ હતી. જે દરમિયાન વૈભવ સૂર્યવંશી પણ ખૂબ ગુસ્સે જોવા મળ્યો. અમ્પાયર સુપર ઓવર માટે સંમત થયા, પરંતુ પછી અંતિમ બોલ પર નો-બોલને લઈને અમ્પાયર અને તિલક વર્મા વચ્ચે ફરીથી ઉગ્ર બોલાચાલી થઈ.

ભારતીય ખેલાડીઓ તેને લીગલ ડિલિવરી સમજીને મેદાન બહાર જતા રહ્યા હતા પરંતુ બાદમાં તેમને પાછા બોલાવવામાં આવ્યા. આ બધા નાટક વચ્ચે શ્રીલંકાએ સુપર ઓવરમાં ભારતને 17 રનનો લક્ષ્યાંક આપ્યો, પરંતુ વૈભવ સૂર્યવંશી અને સુયંશ શેડગેની જોડી ફક્ત 9 રન જ બનાવી શકી.

વૈભવ સૂર્યવંશી શ્રીલંકાના ખેલાડીને માર્યો ધક્કો

સોમવારે મેચ પછી વૈભવ સૂર્યવંશી ગુસ્સે ભરાયો અને મેચના છેલ્લા બોલ પર શ્રીલંકાના ખેલાડી સાથે ટકરાયો હતો. સુપર ઓવરના છેલ્લા બોલ પર ભારતને 8 રનની જરૂર હતી, પરંતુ મથુલને વૈભવને એક પરફેક્ટ યોર્કર ફેંક્યો, જેના પછી તે જસ્ન મનાવવા લાગ્યો તેના સાથી ખેલાડીઓ પણ તેમાં જોડાયા. તે સ્પષ્ટ નથી કે વૈભવ ઉજવણીથી નાખુશ હતો કે મથુલનની કોઇ હરકતથી.

આ પણ વાંચોઃ ક્રિકેટ / 14, 44, 21... IPLમાંથી બહાર આવતાં જ વૈભવ સૂર્યવંશીનું બેટ થઈ ગયું ખામોશ

જેના કારણે તેણે મેચ સમાપ્ત થયા પછી તરત જ ખેલાડીઓ સાથે વાત કરતો જોવા મળ્યો. દરમિયાન શ્રીલંકાના એક ખેલાડી અને વૈભવે એકબીજાને ધક્કો માર્યો, જેના કારણે શ્રીલંકાના ખેલાડીઓએ તેમને અલગ કરવા પડ્યા. જોકે વૈભવ ખૂબ ગુસ્સે દેખાયો અને મેદાન છોડીને જતાની સાથે જ તેણે પોતાની નારાજગી વ્યક્ત કરી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ