કાર્યવાહી / ગાંધીનગર જવા પ્રયાસ કરતા 10થી વધુ ખેડુતોની કરાઈ અટકાયત, અડાલજ પોલીસ સ્ટેશન લઈ જવાયા

ગાંધીનગર તરફ કૂચ કરવાનો પ્રયાસ કરનારા 10થી વધુ ખેડૂતોની પોલીસે અટકાયત કરી હતી. ખેડૂતોને અગાઉ ઓગણજ સુધી રેલી કાઢવાની મંજૂરી આપવામાં આવી હતી, પરંતુ તેઓ ગાંધીનગર તરફ આગળ વધવાનો પ્રયાસ કરતા પોલીસે કાર્યવાહી હાથ ધરી હતી.

વિવિધ માંગણીઓના સમર્થનમાં રેલી યોજી

મળતી માહિતી મુજબ, ખેડૂતો વિવિધ માંગણીઓના સમર્થનમાં રેલી યોજી રહ્યા હતા. પ્રશાસન દ્વારા રેલી માટે ઓગણજ સુધીની મંજૂરી આપવામાં આવી હતી. જોકે, કેટલાક ખેડૂતો ગાંધીનગર તરફ આગળ વધતા પોલીસ અને ખેડૂતો વચ્ચે તણાવની સ્થિતિ સર્જાઈ હતી.

10થી વધુ ખેડૂતોની અટકાયત કરી

પોલીસે સ્થિતિને નિયંત્રણમાં લેવા માટે કાર્યવાહી કરતાં 10થી વધુ ખેડૂતોની અટકાયત કરી હતી. અટકાયત કરાયેલા તમામ ખેડૂતોને અડાલજ પોલીસ સ્ટેશન ખાતે લઈ જવામાં આવ્યા હતા.

સરકાર સાથે ચર્ચા કરવાની માંગ ઉઠાવી

પોલીસ અધિકારીઓએ જણાવ્યું હતું કે કાયદો અને વ્યવસ્થા જળવાઈ રહે તે માટે જરૂરી પગલાં લેવામાં આવ્યા છે. બીજી તરફ, ખેડૂતોના પ્રતિનિધિઓએ પોતાની માંગણીઓ અંગે સરકાર સાથે ચર્ચા કરવાની માંગ ઉઠાવી છે.

આ પણ વાંચોઃ 'અમારે કોઈ પક્ષની જરૂર નથી', કિસાન રેલીમાં ખેડૂતો અને કોંગ્રસ વચ્ચે બે ફાટાઓ પડ્યા

આ ઘટનાને લઈને વિસ્તારમાં ચુસ્ત પોલીસ બંદોબસ્ત ગોઠવવામાં આવ્યો હતો અને પરિસ્થિતિ પર સતત નજર રાખવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ