ગાંધીનગર / ખેડૂતો ગાંધીનગર તરફ જઈ ન શકે એટલે પોલીસે કર્યું ચોંકાવનારુ કામ, જુઓ વીડિયો

ખેડૂતોની ગાંધીનગર તરફની કૂચને અટકાવવા માટે પોલીસ દ્વારા અમદાવાદના ઓગણજ રિંગ રોડ વિસ્તારમાં કડક બંદોબસ્ત ગોઠવવામાં આવ્યો છે. પોલીસ દ્વારા માર્ગ પર વાહનો આડા ઊભા રાખીને રોડ બ્લોક કરવામાં આવ્યો હતો, જેથી ખેડૂતો ગાંધીનગર તરફ આગળ વધી ન શકે.

ઓગણજ રીંગ રોડ ખાતે પોલીસ તૈનાત

મળતી માહિતી મુજબ ખેડૂતો ગાંધીનગર પહોંચવા માટે મક્કમ હોવાનું જણાઈ રહ્યું છે. બીજી તરફ સંભવિત પરિસ્થિતિને ધ્યાનમાં રાખીને પોલીસનો વધુ કાફલો પણ ઓગણજ રિંગ રોડ ખાતે તૈનાત કરવામાં આવ્યો છે.

કોંગ્રેસ દ્વારા આયોજિત જાહેર સભા રદ્દ

આ સમગ્ર કાર્યક્રમ સાથે જોડાયેલી કોંગ્રેસ દ્વારા આયોજિત જાહેર સભા પણ અંતિમ ક્ષણે રદ કરવામાં આવી છે. સભા સ્થળે કોંગ્રેસના નેતાઓ પણ જોવા મળ્યા ન હતા. અગાઉ રેલીને માત્ર ઓગણજ સુધી જ મંજૂરી આપવામાં આવી હતી અને રેલી પૂર્ણ થયા બાદ ત્યાં જ જાહેર સભા યોજાવાની હતી.

આ પણ વાંચોઃ 'CM ભૂપેન્દ્ર પટેલે ખેડૂત મિત્રો માટે ઉદાર મનથી કામ કર્યું'ખેડૂત આંદોલન પર બોલ્યાં હર્ષ સંઘવી

પોલીસની સમગ્ર પરિસ્થિતિ પર સતત નજર

પોલીસ અને ખેડૂતો વચ્ચેની આ સ્થિતિને કારણે વિસ્તારમાં ભારે ચહલપહલ જોવા મળી રહી છે. હાલ પોલીસ પરિસ્થિતિ પર સતત નજર રાખી રહી છે અને કાયદો-વ્યવસ્થા જળવાઈ રહે તે માટે જરૂરી પગલાં લેવામાં આવી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ