સ્પોર્ટ્સ / સુપર ઓવરમાં શ્રીલંકા સામે હારી ઇન્ડિયન ટીમ, ફાઈનલનો રસ્તો બન્યો મુશ્કેલ

ત્રિકોણીય સીરીઝની ચોથી મેચમાં ઈન્ડિયા A અને શ્રીલંકા A ટીમો આમને-સામને ટકરાઈ હતી. આ મેચ દાંબુલાના રંગીરી દાંબુલા ઇન્ટરનેશનલ સ્ટેડિયમ ખાતે રમાઈ હતી. જેમાં શ્રીલંકા A એ સીરીઝની ચોથી મેચમાં સુપર ઓવરમાં ભારતને હરાવ્યું છે. ભારતે પ્રથમ બેટિંગ કરતા 49.2 ઓવરમાં 265 રન બનાવ્યા. જ્યારે શ્રીલંકા 50 ઓવરમાં ફક્ત 265 રન જ બનાવી શક્યું.

• સુપર ઓવરમાં વૈભવ સૂર્યવંશી ના અપાવી શક્યો જીત

આ મેચમા શ્રીલંકાએ સુપર ઓવરમાં 17 રનનો ટાર્ગેટ આપ્યો હતો. પરંતુ ભારતીય ટીમ ફક્ત 9 રન જ બનાવી શકી. આ મેચ બાદ વૈભવ અને શ્રીલંકાના પ્લેયર્સ વચ્ચે ઝઘડો થયો હતો. ત્રિ-રાષ્ટ્ર A સીરીઝમાં ભારત Aનો આ સતત બીજી હાર છે, જે અગાઉ અફઘાનિસ્તાન સામે હારી થઇ હતી.

• શ્રીલંકાએ સુપર ઓવરમાં 16 રન બનાવ્યા

સુપર ઓવરમાં શ્રીલંકા તરફથી બેટિંગ કરવા માટે અવિષ્કા ફર્નાન્ડો અને સહાન મેદાનમાં ઉતર્યા હતા. સહાન પહેલા બોલે બે રન બનાવ્યા. બીજો બોલ વાઈડ હતો જેમાં બે રન બન્યા હતા. ત્રીજા બોલ પર બે રન આવ્યા હતા. ચોથા બોલ પર ત્રણ રન બન્યા. પાંચમા બોલ પર એક સિક્સર વાગી હતી. છઠ્ઠો બોલ નો-બોલ હતો ત્યારબાદ ફ્રી હિટ પર એક રન મારવામાં આવ્યો હતો.

• ભારતે 9 રન જ બનાવ્યા

સુપર ઓવરમાં ભારત તરફથી શેડગે અને વૈભવ સૂર્યવંશી આવ્યા હતા. જેમાં સૂર્યવંશીએ પહેલા બોલ પર બે રન લીધા હતા. બીજા બોલ પર કોઈ રન નહોતો આવ્યો. . ત્રીજા બોલ પર એક રન આવ્યો હતો. ચોથા બોલ પર બે રન આવ્યા હતા. વૈભવ સૂર્યવંશીએ પાંચમા બોલ પર ચોગ્ગો ફટકાર્યો. છેલ્લા બોલ પર એક રન આવ્યો હતો.

ઈન્ડિયા A ની પ્લેઈંગ ઈલેવન: વૈભવ સૂર્યવંશી, પ્રભસિમરન સિંહ (વિકેટકીપર), નિશાંત સિંધુ, રુતુરાજ ગાયકવાડ, તિલક વર્મા (કેપ્ટન), આયુષ બદોની, સૂર્યાંશ શેડગે, અરશદ ખાન, વિપ્રજ નિગમ, અનુકુલ રોય અને યશ ઠાકુર.

શ્રીલંકા A ની પ્લેઈંગ ઈલેવન: નિરોશન ડિકવેલા (વિકેટકીપર), અવિષ્કા ફર્નાન્ડો, અહાન વિક્રમસિંઘે, સમરવિક્રમા, સહાન અરાચિગે (કેપ્ટન), વાનુજા સહાન, વિજયકાંત વ્યાસકાન્ત, વિશેન હલંબગે, કુગાથાસ માથુલન, ચમિકા ગુણશેકરા, મહોમ્મ સિરાજ

વધુ વાંચો : 14, 44, 21... IPLમાંથી બહાર આવતાં જ વૈભવ સૂર્યવંશીનું બેટ થઈ ગયું ખામોશ

• ત્રિકોણીય સીરીઝનું શિડ્યુલ

1. 9 જૂન: ભારત A એ શ્રીલંકા A ને 8 રનથી હરાવ્યું
2. 11 જૂન: અફઘાનિસ્તાન A એ ભારત A ને 4 રનથી હરાવ્યું (DLS)
3. 13 જૂન: શ્રીલંકા A એ અફઘાનિસ્તાન A ને 8 વિકેટથી હરાવ્યું (DLS)
4. 15 જૂન: ભારત A vs શ્રીલંકા A
5. 17 જૂન: ભારત A vs અફઘાનિસ્તાન A
6. 19 જૂન: અફઘાનિસ્તાન A vs શ્રીલંકા A
7. 21 જૂન: ફાઇનલ

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ