એક તરફ દેશ ભરમાં ચૂંટણીનો માહોલ છે અને બીજી તરફ રાજ્યમાં અને સરહદ પર સુરક્ષા વધારાઈ છે ત્યારે રાજ્યમાં દિવસેને દિવસે ડ્રગ્સ પકડાવાની ઘટનાઓ સામે આવી રહી છે.ત્યારે આજે અરબી સતત બીજા દિવસે 60 કરોડની કિંમતનું 173 કિલો ડ્રગ્સ ઝડપાયું છે. આ સાથે પોરબંદર નજીક દરિયા કિનારેથી કોસ્ટગાર્ડ, NCB અને ATSને મળેલા ઇનપુટના આધારે અરબી સમુદ્રમાંથી ડ્રગ્સનો 600 કરોડનું 86 કિલો હેરોઈન ડ્રગ્સ ઝડપાયું છે.આ ઉપરાંત સુરેન્દ્રનગરમાંથી SOGએ 86 હજારની કિંમતના MD ડ્રગ્સ સાથે મહિલાને ઝડપી છે. તો ગાંધીનગરના પીપળજમાંથી ડ્રગ્સ બનાવતી ફેક્ટરીને ગુજરાત ATS અને NCBએ ઝડપી પાડી છે. આ વાત તો ફક્ત બે દિવસની કરી છે પરંતુ છેલ્લા બે વર્ષનો ડ્રગ્સ પકડવાનો આંકડો જોઈએ તો અંચબિત થઈ જવાય તેમ છે.
ગુજરાતમાં કેટલું ડ્રગ્સ આવ્યું?
ગુજરાતમાં છેલ્લા બે વર્ષમાં 5 હજાર 388 કરોડનું ડ્રગ્સ પકડાયું છે. વર્ષ 2022-23માં 512 કેસ નોંધાયા હતા, જેમાં દ્વારકામાંથી બે વર્ષમાં 1 લાખ 76 હજારનું MD ડ્રગ્સ ઝડપાયું તો વડોદરામાં 56 લાખ 32 હજારનું MD ડ્રગ્સ જપ્ત કરાયો છે. વડોદરા ગ્રામ્યમાંથી 25 લાખ 37 હજારથી વધુનું MD ડ્રગ્સ જપ્ત કરાયો છે. સપ્ટેમ્બર 2021માં મુન્દ્રાપોર્ટ પરથી 2988 કિલો હેરોઇન જપ્ત કરાયું છે. 2988 કિલો હેરોઇનની બજાર કિમંત 21 હજાર કરોડ હતી.
ડ્રગ્સ પકડવામાં કોની ભૂમિકા?
NCB
ATS
કોસ્ટગાર્ડ અને નેવી
ક્યા દેશોની ભૂમિકા?
ઇરાન
પાકિસ્તાન
અફઘાનિસ્તાન
ડ્રગ્સ બને છે ક્યા?
મ્યાનમાર
થાઇલેન્ડ
લાઓસ
આ 3 દેશો 80 ટકા હેરોઇન બનાવે છે
ગુજરાતના દરિયાકિનારાનો ઉપયોગ કેમ?
દેશનો દરિયા કિનારો 7517 કિ.મી લાંબો છે. જેમાં પણ ગુજરાત પાસે 1640 કિ.મી લાંબો દરિયા કિનારો છે. કિનારા પર 144થી વધુ નાના-મોટા ટાપુ છે, સાથો સાથ પાકિસ્તાની દરિયાઇ સરહદ નજીક છે. ડ્રગ્સની હેરફેર પાકિસ્તાન અને ઇરાન કરે છે. પાકિસ્તાનનું કરાચી બંદર અને ઇરાનના ચાબહાર બંદરની ભૂમિકા મુખ્ય રહે છે. ભૌગોલિક રીતે ગુજરાતનો દરિયાકિનારો નજીક છે અને ગુજરાતનો ઉપયોગ અવર-જવર માટે કરવામાં આવે છે. ડ્રગ હેન્ડલર્સને અન્ય દેશની સીમામાં પહોંચાડવા પ્રયાસ કરે છે તેમજ ગુજરાતથી મુંબઇ સહિત દેશના અનેક રાજ્યમાં મોકલવામાં આવે છે. ડ્રગ્સ ગુજરાતમાં પણ ધનિકવર્ગમાં ડ્રગ્સની ખરીદીનું પ્રમાણ વધ્યું છે. અમદાવાદ, વડોદરા, રાજકોટ જેવા શહેરોમાં MD ડ્રગ્સ અનેક વાર પકડાયું છે. સૌરાષ્ટ્રમાં મોટાભાગે ડ્રગ્સનું કન્સાઇનમેન્ટ પકડાય છે. જેમાં દ્વારકા,પોરબંદર,ગીરસોમનાથથી અનેક વાર ડ્રગ્સ ઝડપાયું છે. સુરક્ષા એજ્ન્સીઓ પહેલાના પ્રમાણમાં વધુ સતર્ક છે જ્યારે અનેક વખત પેટ્રોલિંગના ડરથી ડ્રગ્સ ફેંકી દે છે અને જેના કારણે દરિયાકિનારેથી અનેક વખત પેકેટ મળ્યા છે
વાંચવા જેવું: 'જૂના પુસ્તકો આપી જાઓ, જરૂરિયાતમંદ લઈ જાઓ', અહીં શરૂ થયો પુસ્તક એક્ત્રીકરણ કાર્યક્રમ
ગોલ્ડન ક્રેસન્ટ શું છે?
ગોલ્ડન ક્રેસન્ટ એટલે સોનેરી અર્ધચંદ્ર. પાકિસ્તાન,અફઘાનિસ્તા અને ઇરાન આ 3 દેશોમાં ડ્રગ્સનું ઉત્પાદન થાય છે. આ ભાન નકશા પર મળીને એક આકૃતિ તૈયાર કરે છે. આ આકૃતિ અર્ધ ચંદ્ર જેવી થાય છે તેથી ગોલ્ડન ક્રેસન્ટ કહેવાય. ક્રેસન્ટ પહેલા આ ઇજારો ગોલ્ડન ટ્રાયેન્ગલ પાસે હતો. ભારતના પૂર્વોત્તરમાં મ્યાનમાર, થાઇલેન્ડ અને લાઓસ મળીને બનાવે છે. દુનિયાભર માટે હેરોઇન અહીં બને છે. ગોલ્ડન ક્રેસન્ટમાં બનતા ડ્રગ્સની ટ્રાન્સપોર્ટની જવાબદારી પાકિસ્તાન-ઇરાનની છે
